ବିଜେପି ଛାଡ଼ି ବିଜେଡିରେ ସାମିଲ ହୋଇଛନ୍ତି ୫୦ ଆଦିବାସୀ ପରିବାର

ଗଞ୍ଜାମ: ଗଞ୍ଜାମ ଜିଲ୍ଲା ଚିକିଟି ନିର୍ବାଚନ ମଣ୍ଡଳୀରେ ବିଜେଡିର ମିଶ୍ରଣ ପର୍ବ । ବିଜେପି ଛାଡ଼ି ବିଜେଡିରେ ସାମିଲ ହୋଇଛନ୍ତି ୫୦ ଆଦିବାସୀ ପରିବାର । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶମୂଳକ କାର୍ଯ୍ୟ ଓ ସ୍ବଚ୍ଛ ଶାସନରେ ଅନୁପ୍ରାଣୀତ ହୋଇ ସମସ୍ତେ ବିଜେଡିରେ ମିଶିଥିବା କହିଛନ୍ତି । ପାରମ୍ପରିକ ବାଜା ଓ ଆଦିବାସୀ ନାଚର ତାଳେ ତାଳେ ଅନୁଷ୍ଠିତ ଉତ୍ସବରେ ତୁମ୍ବା, ବୁରାତାଳ ଓ ଆଙ୍କୁଲି ପଂଚାୟତର ଶତାଧିକ ବିଜେପି ଓ କଂଗ୍ରେସ କର୍ମୀ ବିଜେଡିରେ ସାମିଲ ହୋଇଛନ୍ତି । ବିଜେଡି ନେତା ରୁପ ଦେଓ ନୂତନ କର୍ମୀଙ୍କୁ ଦଳକୁ ସ୍ବାଗତ କରିଛନ୍ତି । କାର୍ଯ୍ୟକ୍ରମରେ ବ୍ଲକ ବିଜେଡି ସଭାପତି ରାମନାଥ ପାଣିଗ୍ରାହୀ ,ଆରଏମସି ସଭାପତି ସଚ୍ଚିଦାନନ୍ଦ ରାଜଗୁରୁ, ବାପୁଜି ବିଷୋୟୀ ଏବଂ ଜିଲ୍ଲା ପରିଷଦ ସଭ୍ୟା ଯଶୋଦା ଶବର ପ୍ରମୁଖ ଉପସ୍ଥିତ ଥିଲେ ।