ନିବେଶକଙ୍କ ପାଇଁ ବଡ଼ ସୁଯୋଗ: ଆସନ୍ତା ସପ୍ତାହରେ ଡିଭିଡେଣ୍ଡ ବଣ୍ଟନ କରିବେ ୫୦ଟି କମ୍ପାନୀ

ଆସନ୍ତା ସପ୍ତାହରେ ଶେୟାର ବଜାରରେ ଖୁସିର ମାହୋଲ ଦେଖିବାକୁ ମିଳିବ । ତିନି ମାସର ଫଳାଫଳ ଘୋଷଣା ପରେ ଏବେ କମ୍ପାନୀମାନେ ଡିଭିଡେଣ୍ଡ ଓ ବୋନସ ବାଣ୍ଟିବା ଆରମ୍ଭ କରିବେ । କମ୍ପାନୀମାନେ ନିଜର ପ୍ରଫିଟର ଏକ ବଡ଼ ଅଂଶ ନିଜର ଶେୟାର ହୋଲ୍ଡର୍ସଙ୍କ ମଧ୍ୟରେ ବାଣ୍ଟିବେ । ଏପରି କିଛି କମ୍ପାନୀ ବୋନସ ଘୋଷଣା କରି ସାରିଥିବା ବେଳେ ଆଉ କିଛି କରିବାକୁ ବାକି ଅଛନ୍ତି । ଧାର୍ଯ୍ୟ ସମୟ ସୁଦ୍ଧା ଯେଉଁମାନଙ୍କର ଡିମାଟ ଆକାଉଣ୍ଟରେ ଏହିସବୁ ଶେୟାରଗୁଡ଼ିକର ଦାବିଦାରିତା ରହିବ, ସେମାନଙ୍କୁ ଡିଭିଡେଣ୍ଡ ଓ ବୋନସ ଆକାରରେ ମୋଟା ଅଙ୍କର ଅର୍ଥ ମିଳିପାରେ । ଏଥିପାଇଁ ଶେୟାରର କ୍ରୟ କରିବା ସମୟରେ ନିଜର ଷ୍ଟ୍ରାଟେଜୀରେ ଡିଭିଡେଣ୍ଡ ବା ବୋନସର ଘୋଷଣା କରିସାରିଥିବା କମ୍ପାନୀମାନଙ୍କୁ ନିଶ୍ଚିତ ସାମିଲ କରିବା ଉଚିତ ।

ବଜାରରେ ଡିଭିଡେଣ୍ଡକୁ ନେଇ ଆଶା ଭରି ରହିଛି । ଆସନ୍ତା ସପ୍ତାହରେ ଏହାକୁ ନେଇ ଆକ୍ସନ ଦେଖିବାକୁ ମିଳିବ । ତିନି ମାସର ଫଳାଫଳ ସହ କମ୍ପାନୀମାନେ ଡିଭିଡେଣ୍ଡର ମଧ୍ୟ ଘୋଷଣା କରୁଛନ୍ତି । ଏବେ ଏହି କମ୍ପାନୀମାନଙ୍କର ଡିଭିଡେଣ୍ଡର ଡେଟ ମଧ୍ୟ ସାମ୍ନାକୁ ଆସିଛି । ୫୦ଟି କମ୍ପାନୀର ଡିଭିଡେଣ୍ଡର ରେକର୍ଡ ଡେଟ ଆସନ୍ତା ସପ୍ତାହରେ ପଡ଼ୁଛି । ଏକ କମ୍ପାନୀ ଏସବିଆଇ କାର୍ଡ ଆସନ୍ତା ସପ୍ତାହରେ ଡିଭିଡେଣ୍ଡର ଘୋଷଣା କରିବ । କମ୍ପାନୀ ରେକର୍ଡ ଡେଟ ଘୋଷଣା କରିଦେଇଛି । ଯେଉଁ କମ୍ପାନୀମାନେ ଡିଭିଡେଣ୍ଡ ଦେବାକୁ ଯାଉଛନ୍ତି ସେମାନଙ୍କ ମଧ୍ୟରୁ ୧୦ଟି କମ୍ପାନୀ ୧୦ ଟଙ୍କାରୁ ୧୧୦ ଟଙ୍କା ପର୍ଯ୍ୟନ୍ତ ଡିଭିଡେଣ୍ଡ ପ୍ରଦାନ କରିବେ ।

ଆସନ୍ତା ସପ୍ତାହରେ ଡିଭିଡେଣ୍ଡ ଦେବା ପାଇଁ ଅଏଲ ଇଣ୍ଡିଆ ଠାରୁ ଆରମ୍ଭ କରି ହିନ୍ଦୁସ୍ତାନ ଏରୋନେଟିକ୍ସ ପର୍ଯ୍ୟନ୍ତ କମ୍ପାନୀମାନେ ଘୋଷଣା କରିସାରିଛନ୍ତି । ଭାରତ ଫୋର୍ଜ, କେପିଆଇ ଏନର୍ଜୀ, ପ୍ରକ୍ଟର ଏଣ୍ଡ ଗ୍ଲୋବାଲ ହେଲଥ ପରି କମ୍ପାନୀମାନେ ମଧ୍ୟ ଏହି ରେସରେ ସାମିଲ ରହିଛନ୍ତି । ଏକ୍ସଚେଞ୍ଜ ଡେଟା ମୁତାବକ, କିଛି କମ୍ପାନୀ ଷ୍ଟକ୍ସ ସ୍ପିଲିଟସର ପ୍ରସ୍ତୁତି ମଧ୍ୟ କରିଛନ୍ତି । ଏପରି ଭାବେ ଆର୍ଟୋମିସ ଇଲେକ୍ଟ୍ରିକାଲ୍ସ, ଓ୍ବେକ୍ଟର୍ସ ଫୁଡ, କ୍ୟାମ୍ପସ ଏକ୍ଟିଭବିୟର, ଡାଲମିୟା ଭାରତ ସୁଗର ଓ ଆଇଆଇଏଫଏଲ କ୍ୟାପିଟାଲ ମଧ୍ୟ ସାମିଲ ରହିଛନ୍ତି ।