୫ ବର୍ଷୀୟ ବାଳକର ଏକୁଟିଆ ବିମାନ ଯାତ୍ରା: ଏକା ଏକା ଦିଲ୍ଲୀରୁ ଫେରିଲା ବେଙ୍ଗାଲୁରୁ
1 min read
ବେଙ୍ଗାଲୁରୁ: ୫ ବର୍ଷୀୟ ବାଳକର ଏକୁଟିଆ ବିମାନ ଯାତ୍ରା । ୩ ମାସ ବ୍ୟବଧାନ ପରେ ମା’ କୋଳକୁ ଫେରିଲା ପୁଅ । ମା’କୁ ଦେଖିବାର ମୋହ, ଛୋଟ ଛୁଆର ମନକୁ ଛୁଇଁ ପାରିନଥିଲା ଭୂତାଣୁ ସଂକ୍ରମଣ କି ଏକୁଟିଆ ଯାତ୍ରାର ଭୟ । ଏକାଏକା ବିମାନରେ ଦିଲ୍ଲୀରୁ ବେଙ୍ଗାଲୁରୁ ଫେରିଥିଲା ଛୋଟ ଛୁଆ ।
ବିମାନ ବନ୍ଦରରେ ଓହ୍ଲାଇବା ପରେ ତା’ ମାଆ ମଞ୍ଜରୀ ଶର୍ମାଙ୍କ ନିକଟରେ ଛାଡ଼ିଥିଲେ ବିମାନ କର୍ତ୍ତୃପକ୍ଷ । ହେଲେ କରୋନା କଟକଣା ଯୋଗୁଁ ମାଆ ତା’ ଛୁଆକୁ କୋଳାଇ ନଥିଲେ । ଅତି ସାବାଧାନତାର ସହ ତାକୁ ନେଇ ଘରକୁ ଯାଇଥିଲେ ।
ସୂଚନା ଯୋଗ୍ୟ ଯେ, ଲକ୍ଡାଉନ୍ ପୂର୍ବରୁ ବିହାନ ଦିଲ୍ଲୀରେ ରହୁଥିବା ନିଜ ଜେଜେ ବାପା ଓ ଜେଜେ ମା’ଙ୍କ ନିକଟକୁ ବୁଲି ଯାଇଥିଲା । ଏହା ପରେ ହଠାତ୍ ଲାଗୁ ହୋଇଥିଲା ଲକ୍ଡାଉନ୍ । ବନ୍ଦ ହୋଇଯାଇଥିଲା ପ୍ରାୟ ସବୁ ସେବା । ଲକ୍ଡାଉନ୍ ଭିତରେ ଲକ୍ ହୋଇଯାଇଥିଲେ ମାଆ ଆଉ ପୁଅ ।
ଏବେ ପ୍ରାୟ ୨ ମାସ ପରେ ଆରମ୍ଭ ହେଲା ବିମାନ ସେବା । ଆଉ ଦିଲ୍ଲୀରୁ ବେଙ୍ଗାଲୁରୁ ଆସୁଥିବା ବିମାନରେ ଏକାଏକ ଫେରିଆସିଥିଲା ବିହାନ ।
https://www.facebook.com/NandighoshaTV/videos/1177229535960220/
