ଇନଷ୍ଟାଗ୍ରାମରେ 5-T ସଚିବ ଭିକେ ପାଣ୍ଡିଆନ

ଭୁବନେଶ୍ୱର: ପ୍ରଥମ ଥର ପାଇଁ ସୋସିଆଲ ମିଡିଆକୁ ଆସିଛନ୍ତି 5-T ସଚିବ ଭିକେ ପାଣ୍ଡିଆନ । ସୋସିଆଲ ମିଡିଆ ସାଇଟ ଇନଷ୍ଟାଗ୍ରାମରେ ଆକାଉଣ୍ଟ ଖୋଲିଛନ୍ତି 5-T ସଚିବ । ତେବେ କେବେ ଆକାଉଣ୍ଟ ଖୋଲିଛନ୍ତି ଯଦିଓ ତାହା ସଠିକ୍ ଭାବରେ ଜଣାପନିନାହିଁ କିନ୍ତୁ ବହୁତ କମ୍ ଦିନରେ 5-T ସଚିବଙ୍କ ଆକାଉଣ୍ଟ ଭେରିଫାଏଡ ହୋଇଛି ।

ଭିକେ ପାଣ୍ଡିଆନ ମେ’ ୯ରେ ’ଜୟ ଜଗନ୍ନାଥ’ ଲେଖି ପୁରୀ ରଥଖଳାରେ କାରିଗର ରଥ ନିର୍ମାଣ ଫଟୋଟି ପୋଷ୍ଟ କରିଥିଲେ । ଏହା ପରେ ତାରାତାରିଣୀ ମନ୍ଦିର ପ୍ରତିଷ୍ଠା ସମୟର ଫଟୋ ମଧ୍ୟ ରହିଛି । ଏହା ସହ ରୋମରେ ମହାତ୍ମା ଗାନ୍ଧୀଙ୍କୁ ଶ୍ରଦ୍ଧାଞ୍ଜଳି, ଭାରତୀୟ ବ୍ୟାଡମିଣ୍ଟନ ଟିମକୁ ସମ୍ବର୍ଦ୍ଧନା, ରୋମ ଓ ଦୁବାଇରେ ପ୍ରବାସୀ ଓଡ଼ିଆଙ୍କ ସହ ଆଲୋଚନାର ଫଟୋ ପୋଷ୍ଟ କରିଛନ୍ତି । 5-T ସଚିବ ଭିକେ ପାଣ୍ଡିଆନଙ୍କ ଇନଷ୍ଟାଗ୍ରାମ ଆକାଉଣ୍ଟ ସ୍ୱଳ୍ପ ଦିନରେ ହୋଇଥିଲେ ମଧ୍ୟ ଏପର୍ଯ୍ୟନ୍ତ ୨୬ ହଜାରରୁ ଅଧିକ ଲୋକ ତାଙ୍କୁ ଫଲୋ କରିବା ଆରମ୍ଭ କରିଛନ୍ତି ।