ଅଘଟଣ: ୫ ମହଲା କୋଠା ଭୁଶୁଡ଼ି ୧୭ ଆହତ, ୭୦ ଜଣ ଫସିଥିବା ଆଶଙ୍କା
ମୁମ୍ବାଇ: ବଡ଼ ଖବର । ମହାରାଷ୍ଟ୍ର ରାୟଗଡ଼ ଜିଲ୍ଲାରେ ଏକ ୫ ମହଲା ବିଶିଷ୍ଟ କୋଠା ଭୁଶୁଡ଼ି ପଡ଼ିଛି । ଏହି ଘଟଣା ଘଟିଛି ରାୟଗଡ଼ର ମହାଦ ତହସିଲରେ । ସୋମବାର ସନ୍ଧ୍ୟାରେ ୫ ମହଲା କୋଠାଟି ଭୁଶୁଡ଼ି ପଡ଼ିଛି । ସନ୍ଧ୍ୟା ପ୍ରାୟ ୬ଟା ୫୦ ବେଳେ କାଜଲପୁରା ଅଞ୍ଚଳରେ ଏହି ଭୟଙ୍କର ଅଘଟଣ ଘଟିଛି ।
କୋଠାର ଭଗ୍ନାଂଶ ତଳୁ ୧୭ ଜଣଙ୍କୁ ଉଦ୍ଧାର କରାଯାଇ ଆହତ ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । ଆହୁରି ୭୦ରୁ ଅଧିକ ଜଣ ଫସି ରହିଥିବା ଆଶଙ୍କା କରାଯାଉଛି । ଘଟଣାସ୍ଥଳକୁ ପୁନେରୁ ଏନଡିଆରଏଫ୍ ଟିମ୍ ଯାଉଛନ୍ତି । ସ୍ଥାନୀୟ ଲୋକ ଓ ପ୍ରଶାସନ ଦ୍ୱାରା ଏବେ ଉଦ୍ଧାର କାର୍ଯ୍ୟ ଜାରି ରହିଛି । ଉଦ୍ଧାର କାର୍ଯ୍ୟରେ କ୍ରେନ୍ ସହ ଅଗ୍ନିଶମ ବାହିନୀ ନିୟୋଜିତ ଅଛନ୍ତି ।
ଉଦ୍ଧାର ହୋଇଥିବା ଆହତଙ୍କୁ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଏନଡିଆରଏଫ୍ ଟିମ୍ ଘଟଣା ସ୍ଥଳକୁ ଯାଉଛନ୍ତି, ରାସ୍ତାରେ ଥିବା ମହାରାଷ୍ଟ୍ର କ୍ୟାବିନେଟ ମନ୍ତ୍ରୀ ଅଦିତି ସୂଚନା ଦେଇଛନ୍ତି । ମୁଖ୍ୟମନ୍ତ୍ରୀ ଉଦ୍ଧାର କାର୍ଯ୍ୟ ନେଇ ସ୍ଥାନୀୟ ବିଧାୟକ ଏବଂ ଜିଲ୍ଲାପାଳଙ୍କ ସହ କଥା ହୋଇଛନ୍ତି । ସମସ୍ତ ସହାୟତା ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି ମୁଖ୍ୟମନ୍ତ୍ରୀ ଉଦ୍ଧବ ଠାକରେ ।
