ଆସନ୍ତା ୮ ତାରିଖରୁ ରାଜ୍ୟରେ ଚାଲିବ ୫ଟି ସ୍ୱତନ୍ତ୍ର ଟ୍ରେନ୍… ପୂର୍ବତଟ ରେଲୱେ ପକ୍ଷରୁ ସୂଚନା
1 min readଭୁବନେଶ୍ୱର: ଜୁନ ମାସ ୮ ରୁ ୩୦ ତାରିଖ ପର୍ଯ୍ୟନ୍ତ ରାଜ୍ୟ ଭିତରେ ଚାଲିବ ଟ୍ରେନ୍। ୫ଟି ସ୍ୱତନ୍ତ୍ର ଟ୍ରେନ୍ ଗଡିବା ନେଇ ପୂର୍ବତଟ ରେଲୱେ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। IRCTC ୱେବସାଇଟ୍ ଓ ରିଜର୍ଭେସନ କାଉଣ୍ଟରରେ ଟିକେଟ୍ ମିଳିବ। ଟିକେଟ କନଫର୍ମ ଥିବା ଯାତ୍ରୀ ହିଁ କେବଳ ଟ୍ରେନରେ ଯାତ୍ରା କରିପାରିବେ । ପ୍ରତି ଶନିବାର ଓ ରବିବାର ସଟଡାଉନ ଥିବାରୁ ଟ୍ରେନ୍ ଗଡ଼ିବ ନାହିଁ ବୋଲି ସୂଚନା ମିଳିଛି।
ଭୁବନେଶ୍ୱରରୁ ବଲାଙ୍ଗିର, ବଲାଙ୍ଗିରରୁ ଭୁବନେଶ୍ୱର ୫ ଦିନ ଚାଲିବ ସ୍ୱତନ୍ତ୍ର ଟ୍ରେନ୍। ସେହିପରି ଭୁବନେଶ୍ୱରରୁ ଭଦ୍ରକ, ଭଦ୍ରକରୁ ଭୁବନେଶ୍ୱର ୫ଦିନ ଗଡ଼ିବ ଟ୍ରେନ୍। ଭୁବନେଶ୍ୱରରୁ ବ୍ରହ୍ମପୁର, ବ୍ରହ୍ମପୁରରୁ ଭୁବନେଶ୍ୱର ୫ ଦିନ ଟ୍ରେନ୍ ଗଡ଼ିବାକୁ ନିଷ୍ପତ୍ତି ହୋଇଛି। କେବଳ ସେତିକି ନୁହଁ ସମ୍ବଲପୁରରୁ ଖୋର୍ଦ୍ଧା ରୋଡ, ଖୋର୍ଦ୍ଧାରୋଡରୁ ସମ୍ବଲପୁର ୫ଦିନ ଚାଲିବ ସ୍ପେଶାଲ ଟ୍ରେନ୍। ଭୁବନେଶ୍ୱରରୁ କୋରାପୁଟ, କୋରାପୁଟରୁ ଭୁବନେଶ୍ୱର ସପ୍ତାହକୁ ୩ ଥର ଟ୍ରେନ୍ ଗଡ଼ିବ। ଅନୁଗୁଳ, ସମ୍ବଲପୁର ଓ ରାୟଗଡା ଦେଇ ଚାଲିବ ଟ୍ରେନ୍ ।
