ପଢ଼ିବାକୁ ଯାଇ ଘରକୁ ଫେରିଲେନି ୫ ଦଶମ ଶ୍ରେଣୀ ଛାତ୍ର

1 min read

ଗଜପତି: ବିଦ୍ୟାଳୟକୁ ଯାଇ ୫ ଜଣ ଛାତ୍ର ନିଖୋଜ ହୋଇ ଯାଇଛନ୍ତି । ଶନିବାର ଠାରୁ ସେମାନଙ୍କର କୌଣସି ଖୋଜ ଖବର ନାହିଁ । ଶନିବାର ଜଙ୍ଗଲପାଡ଼ୁ ଗାଁର ଦଶମ ଶ୍ରେଣୀରେ ପଢ଼ୁଥିବା ୫ ଜଣ ଛାତ୍ର ସ୍କୁଲ ଯାଇଥିଲେ । ହେଲେ, ରାତି ହୋଇ ସକାଳ ପାହିଗଲା ସିନା ଘରକୁ ଫେରିଲେନି । ଛାତ୍ରମାନେ ଘରକୁ ଫେରିନଥିବାରୁ ପରିବାର ଲୋକ ଥାନାରେ ନିଖୋଜ ନେଇ ଏତଲା ଦେଇଛନ୍ତି ।

ପାରଳାଖେମୁଣ୍ଡି ଗୁରାଣ୍ଡି ଥାନା ଜଙ୍ଗଲପାଡ଼ୁ ଗାଁର ୫ ଛାତ୍ର ସବୁଦିନ ଭଳି ଗତକାଲି ବି ସ୍କୁଲ ଯାଇଥିଲେ । ଭିନ୍ନ ଭିନ୍ନ ସ୍କୁଲରେ ପଢ଼ୁଥିବା ୫ ଛାତ୍ର ସ୍କୁଲ ବାହାରିଲେ ସିନା କିନ୍ତୁ ସନ୍ଧ୍ୟାରେ ଆଉ ଘରକୁ ଫେରିଲେନି । ପରିବାର ଲୋକ ଚାରିଆଡ଼େ ଖୋଜାଖୋଜି କରି ନିରାଶ ହୋଇ ଥାନାର ଦ୍ୱାରସ୍ଥ ହୋଇଛନ୍ତି । ପୋଲିସ ନିଖୋଜ ଛାତ୍ରଙ୍କୁ ଖୋଜୁଛି । ଏହି ଛାତ୍ରମାନେ ଆନ୍ଧ୍ରପ୍ରଦେଶ ପଳାଇଥିବା ପରିବାର ଲୋକେ ସନ୍ଦେହ କରୁଛନ୍ତି । ')}

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.