୫ କ୍ୱିଣ୍ଟାଲ ହ୍ୱେଲ୍ ସାର୍କ ମାଛ ମୃତ ? କାରଣ ଅସ୍ପଷ୍ଟ

ଖନ୍ତାପଡ଼ା: ୫ କ୍ୱିଣ୍ଟାଲ ଓଜନର ହ୍ୱେଲ୍ ସାର୍କ ମାଛର ମୃତ୍ୟୁ । ୫କ୍ୱିଣ୍ଟାଲ ମାଛକୁ ଦେଖିବାକୁ ଭିଡ଼ି ଜମିଛି । ଗତ ତିନି ଦିନ ତଳେ ମତ୍ସ୍ୟଜୀବୀମାନେ ସମୁଦ୍ରକୁ ଯାଇଥିବା ବେଳେ ଜାଲରେ ଏକ ହ୍ୱେଲ୍ ସାର୍କ ମାଛ ପଡ଼ିଥିଲା । ମତ୍ସଜୀବୀମାନେ ଏହି ମାଛଟିକୁ କୂଳକୁ ନେଇ ଆସିଥିଲେ । କିନ୍ତୁ ସ୍ଥାନୀୟ ଲୋକେ ଅସନ୍ତୋଷ ପ୍ରକାଶ କରିବାରୁ, ଏହାକୁ ପୁଣି ଥରେ ସମୁଦ୍ରରେ ଛାଡି ଦିଆଯାଇଥିଲା ।

କିନ୍ତୁ ହ୍ୱେଲ୍ ସାର୍କର ମୃତ ଦେହ ଖନ୍ତାପଡ଼ା ଥାନା କଣ୍ଟିଆ ଚେରା ଜାମୁକା ମୁହାଣର ଏକ ନାଳରେ ପଡିଥିବା ଦେଖିବାକୁ ମିଳିଛି । ହ୍ୱେଲ୍ ସାର୍କର ମୃତ୍ୟୁକୁ ନେଇ ଅସନ୍ତୋଷ ପ୍ରକାଶ ପାଇଛି । କେଉଁ କାରଣରୁ ମୃତ୍ୟୁ ହୋଇଛି ତାହା ବ୍ୟବଚ୍ଛେଦ ପରେ ହିଁ ଜଣାପଡ଼ିବ ବୋଲି କୁହାଯାଇଛି ।