ବିଜୁ ପଟ୍ଟନାୟକ ଆନ୍ତର୍ଜାତୀୟ ପର୍ବତାରୋହଣ ଅଭିଯାନ ଆରମ୍ଭ, ମାଉଣ୍ଟ ଏଲବ୍ରସ ଚଢିବେ ଓଡିଆ

ଭୁବନେଶ୍ବର: ବିଜୁ ପଟ୍ଟନାୟକ ଆନ୍ତର୍ଜାତୀୟ ପର୍ବତାରୋହଣ ଅଭିଯାନକୁ ଶୁଭାରମ୍ଭ କରିଛନ୍ତି କ୍ରୀଡା ନିର୍ଦ୍ଦେଶକ ସିର୍ଦ୍ଧାର୍ଥ ଦାସ । ଓଡିଆ ପର୍ବତାରୋହୀ ନୀଳାଚଳ ପରିଡା ଏହି ଅଭିଯାନ ଦଳର ନେତୃତ୍ୱ ନେବେ । ସେଥିରେ ଓଡିଶାର ପାଞ୍ଚ ଜଣଙ୍କୁ ମିଶାଇ 17 ଜଣ ସଦସ୍ୟ ଅଛନ୍ତି । ୟୁରୋପର ସବୁଠୁ ବଡ଼ ପର୍ବତ ମାଉଣ୍ଟ ଏଲବ୍ରସ ଚଢିବେ ପର୍ବତାରୋହୀ ।

ଆଜିଠୁ ଏହି ଅଭିଯାନ ଆରମ୍ଭ ହୋଇ 21 ଅଗଷ୍ଟରେ ଶେଷ ହେବ । ଏହି ଅବସରରେ କ୍ରୀଡ଼ା ଓ ଯୁବ ସେବା ବିଭାଗର ଅଧିକାରୀଙ୍କ ସହ ଯୁଗ୍ମ ସଚିବ ବିଜୟାନନ୍ଦ ନାୟକ ମଧ୍ୟ ଉପସ୍ଥିତ ଥିଲେ । ନୀଳାଚଳଙ୍କ ସହ ଓଡିଶାର ପର୍ବତାରୋହୀମାନେ ହେଉଛନ୍ତି ଚିନ୍ମୟ ସିଂ, ଶ୍ରୀକାନ୍ତ ଖୁଣ୍ଟିଆ, ରଣଜିତ୍ ବିରା ଏବଂ ଆଦିତ୍ୟ ପ୍ରସାଦ ଖଡାଗା ।

ସ୍ବାଧୀନତା ଦିବସ ଅବସରରେ ଏହି ଦଳ ମାଉଣ୍ଟ ଏଲବ୍ରସର 575 ଫୁଟରେ ତ୍ରିରଙ୍ଗା ଉଡାଇବା ସହ କୋଭିଡ ସମୟରେ ମୃତ୍ୟୁ ହୋଇଥିବା ଲୋକଙ୍କୁ ଶ୍ରଦ୍ଧାଞ୍ଜଳି ଜଣାଇବେ । ପର୍ବତାରୋହୀଙ୍କୁ ରାଜ୍ୟ ସରକାରଙ୍କ ପକ୍ଷରୁ ସମସ୍ତ ପ୍ରକାର ସହଯୋଗ କରାଯାଉଛି ।