ପାତାଳି ନଦୀରେ ବୁଡିଲା ଡଙ୍ଗା, ୫ ନିଖୋଜ

ନନ୍ଦପୁର: କୋରାପୁଟ ନନ୍ଦପୁର ବ୍ଲକ ପାତାଳି ନଦୀରେ ଡଙ୍ଗା ବୁଡି ୫ ନିଖୋଜ। ସେମାନେ ହେଲେ ନନ୍ଦପୁର ବ୍ଲକ କୁଲାରସିଂ ପଞ୍ଚାୟତର ତାନସିଂ ଗ୍ରାମର ୩ ମହିଳା ଏବଂ ଦୁଇ ନାବାଳିକା। ୫ ଜଣ ଏକ ଦେଶୀ ଡଙ୍ଗାରେ ବାଡେଲା ଗ୍ରାମକୁ ଏକ ବାହାଘରରେ ଯୋଗ ଦେବାକୁ ଯାଇଥିଲେ। ଗାଁକୁ ଫେରିବା ସମୟରେ ଡଙ୍ଗାଟି ପାତାଳି ନଦୀରେ ଭାରସାମ୍ୟ ହରାଇ ଓଲଟି ପଡ଼ିବାରୁ ସମସ୍ତ ୫ ଜଣ ନିଖୋଜ ଅଛନ୍ତି।

ପୋଲିସ, ଅଗ୍ନିଶମ ଓ ଓଡ୍ରାଫ ଟିମ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି । ନିଖୋଜ ମାନେ ହେଲେ ୨୩ ବର୍ଷିୟା ଲାଲମଣି ଶିଶା, ୨୪ ବର୍ଷିୟା ଶଶିରେଖା ଆର୍ଲାବ ଓ ୨୫ ବର୍ଷିୟା ନବିନା ଆର୍ଲାବ୍ । ଏହି ତିନି ଜଣ ମହିଳାଙ୍କ ସହ ୧୪ ବର୍ଷିୟା ପୁଷ୍ପାଞ୍ଜଳି ଆର୍ଲାବ ଓ ୧୩ ବର୍ଷିୟା ଶାନ୍ତି ଶିଶା ଥିଲେ । ରାତିରେ ଫେରୁଥିବାବେଳେ ଡଙ୍ଗାଟି ବୁଡ଼ିଯାଇଥିବା ସନ୍ଦେହ କରାଯାଉଛି । ଜଣକର ମୃତଦେହ ଭାସୁଥିବା ଦେଖି ଲୋକେ ପୋଲିସକୁ ଖବର ଦେଇଥିଲେ।