ସୁଶାନ୍ତଙ୍କ ପରିବାରକୁ ବଡ଼ ଝଟକା: ସଡ଼କ ଦୁର୍ଘଟଣାରେ ଚାଲିଗଲେ ୫ ସଦସ୍ୟ

ପାଟଣା: ଦିବଗଂତ ଅଭିନେତା ସୁଶାନ୍ତ ସିଂହ ରାଜପୁତଙ୍କ ପରିବାର ସହିତ ଜଡ଼ିତ ଏକ ଦୁଃଖଦ ଖବର ଏବେ ସାମ୍ନାକୁ ଆସିଛି । ମିଳିଥିବା ସୂଚନା ମୁତାବକ ମଙ୍ଗଳବାର ସକାଳେ ସୁଶାନ୍ତଙ୍କ ପରିବାରର ପାଞ୍ଚ ଜଣ ସଦସ୍ୟ ଦୁର୍ଘଟଣାରେ ମୃତ୍ୟୁ ଘଟିଛି । ବିହାରର ଲଖିସରାଇ ସ୍ଥିତ ନ୍ୟାସନାଲ ହାଇଓ୍ୱେ ଉପରେ ଟ୍ରକ ଦୁର୍ଘଟଣା ଯୋଗୁଁ ଏହି ଭୟଙ୍କର ଦୁର୍ଘଟଣା ଘଟିଛି ।

ଦୁର୍ଘଟଣାଗ୍ରସ୍ତ ଲୋକମାନେ ସୁମରେ ଯାଉଥିବା ବେଳେ ସେଥିରେ ମୋଟ ୧୦ ଜଣ ଲୋକ ଯାତ୍ରା କରୁଥିଲେ । ସେମାନଙ୍କ ମଧ୍ୟରୁ ୬ଜଣଙ୍କ ଦେହାନ୍ତ ହୋଇଥିବା ବେଳେ ଏହି ୬ ଜଣଙ୍କ ମଧ୍ୟରୁ ୫ ଜଣ ସଦସ୍ୟ ଦିବଂଗତ ଅଭିନେତା ସୁଶାନ୍ତଙ୍କ ସମ୍ପର୍କୀୟ । ରିପୋର୍ଟ ମୁତାବକ ଏ ସମସ୍ତ ଲୋକ ପାଟଣା ହରିୟାଣାର ସିନିୟର ପୋଲିସ ଅଫିସର ଓପି ସିଂହଙ୍କ ଭଉଣୀ ଗୀତା ଦେବୀଙ୍କ ଅନ୍ତିମ ସଂସ୍କାରରେ ଯୋଗଦେବାକୁ ଯାଉଥିଲେ । ଓ.ପି ସିଂହ ସୁଶାନ୍ତ ସିଂହ ରାଜପୁତଙ୍କ ଭିଣୋଇ ଅଟନ୍ତି ।
ତେବେ ଦୁର୍ଘଟଣାରେ ଆହତ ଅନ୍ୟ ଲୋକଙ୍କ ଅବସ୍ଥା ଗମ୍ଭୀର ଥିବା ବେଳେ ସେମାନଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ଟ୍ରକ୍-ସୁମୋ ମୁହାଁମୁହିଁ ହୋଇଥିବାରୁ ଏଭଳି ଭୟଙ୍କର ଦୁର୍ଘଟଣା ଘଟିଛି । ହଲସି ଥାନା ଅନ୍ତର୍ଗତ ପିମ୍ପରା ଗାଁ ସ୍ଥିତ ଉକ୍ରମିତ ମଧ୍ୟ ବିଦ୍ୟାଳୟ ନିକଟରେ ଏହି ଦୁର୍ଘଟଣା ଘଟିଛି । ଏହି ଘଟଣାରେ ସୁମୋ ଚଳାଉଥିବା ଡ୍ରାଇଭରଙ୍କ ମଧ୍ୟ ମୃତ୍ୟୁ ଘଟିଛି ।

https://www.youtube.com/watch?v=qoB5kDSGVgk