ବଙ୍ଗଳା ଅଭିନେତା ଶୈବାଳ ଭଚ୍ଚାଚାର୍ଯ୍ୟଙ୍କ ଆତ୍ମହତ୍ୟା ଉଦ୍ୟମ

କୋଲକାତା: ପ୍ରସିଦ୍ଧ ବଙ୍ଗଳା ଅଭିନେତା ଶୈବାଳ ଭଟ୍ଟାଚାର୍ଯ୍ୟ ଆତ୍ମହତ୍ୟା ଉଦ୍ୟମ କରିଥିବା ଖବର ସାମ୍ନାକୁ ଆସିଛି। ଆହତ ହେବା ପରେ ଅଭିନେତା ଶୈବାଳ ନିଜର ଭିଡିଓ ଫେସବୁକରେ ସେୟାର କରିଛନ୍ତି। ତାଙ୍କୁ ହସ୍ପିଟାଲରେ ଭର୍ତ୍ତି କରାଯିବା ପରେ ସେ ସୁସ୍ଥ ଅଛନ୍ତି। ପ୍ରସିଦ୍ଧ ବଙ୍ଗାଳୀ ସିରିୟଲ ପ୍ରଥୋମା କାଦମ୍ବିନୀରେ ଅଭିନୟ କରିଥିବା ଶୈବାଳ ଦୀର୍ଘ ଦିନ ଧରି ଆଞ୍ଚଳିକ ଟିଭି ଚାନେଲରେ ଅଭିନୟ କରିଆସୁଥିଲେ । ମାତ୍ର ତାଙ୍କ ନିକଟରେ ବର୍ତ୍ତମାନ କୌଣସି ସିରିୟଲ ନଥିବାରୁ ସେ ବୀତସ୍ପୃହ ହୋଇ ଆତ୍ମହତ୍ୟା ଉଦ୍ୟମ କରିଥିବା କୁହାଯାଇଛି ।

ସୂଚନା ମୁତାବକ ବୃତ୍ତିଗତ ଭାବେ ସେ ନିରୁତ୍ସାହିତ ହୋଇ ଏଭଳି କଠୋର ପଦକ୍ଷେପ ନେବାକୁ ଉଦ୍ୟମ କରିଥିଲେ । ତାଙ୍କୁ ଚିତ୍ତରଞ୍ଜନ ହସ୍ପିଟାଲରେ ଭର୍ତ୍ତି କରାଯାଇଛି । ଶୈବାଳ କାରିଖେଳା, ଉଦାନ ଟବ୍ରି, ମିଠାଇ ଆଦି ସିରିୟଲରେ ଅଭିନୟ କରିଥିଲେ । ପୂର୍ବରୁ ବଙ୍ଗାଳୀ ଅଭିନେତ୍ରୀ ପଲ୍ଲବୀ ଦେ, ବିଦୀଶା ଦେ ମଜୁମଦାର ଓ ମଡେଲ-ଅଭିନେତ୍ରୀ ମଞ୍ଜୁଷା ନିୟୋଗୀ ଆତ୍ମହତ୍ୟା କରିଥିଲେ।