ରାୟଗଡାରେ ଅଘଟଣ, ଗାଧୋଉ ଥିବାବେଳେ ମୁଣ୍ଡ ଉପରେ ଖସିପଡିଲା ପୋଲ

ରାୟଗଡା: ନିର୍ମାଣାଧୀନ ପୋଲ ଭୁଶୁଡ଼ି ୫ ମୃତ । ରାୟଗଡ଼ା ଜିଲ୍ଲା କଲ୍ୟାଣସିଂହପୁର ବ୍ଲକର ଉପରସଜା ଗାଁରେ ଏହି ଅଘଟଣ ଘଟିଛି । ନାଳରେ ଗାଧୋଇବା ବେଳେ ଭୁଶୁଡ଼ି ପଡ଼ିଥିଲା ନିର୍ମାଣାଧୀନ ପୋଲ ।

ନାଳ ଉପରେ ପୋଲଟି ତିଆରି ହେଉଥିଲା । ଲଗାଣ ବର୍ଷା କାରଣରୁ ନିର୍ମାଣାଧୀନ ପୋଲଟି ଅଚାନକ ଭୁଶୁଡି ପଡିଥିବା ଅନୁମାନ କରାଯାଉଛି  । ଏଥିଯୋଗୁଁ ୫ ଜଣଙ୍କ ମୃତ୍ୟୁ ହୋଇଛି । ୪ ଜଣ ଶିଶୁଙ୍କ ସମେତ ୫ ଜଣ ଜୀବନ ହରାଇଛନ୍ତି । ମୃତକମାନେ ହେଲେ ୩୨ ବର୍ଷୀୟ ଲାଛିନ୍ଦ୍ରନ ମିଣିଆକା, ପୁଅ ପିନିୟନ୍ସ ମିଣିଆକା, ୭ ବର୍ଷୀୟ ମନୋଜ କୁଲିସିରା, ୫ ବର୍ଷୀୟ ଚୁମାନ ମିଣିଆକା ଓ ୯ ବର୍ଷର ତାରା ମିଣିଆକା ।