ବିବାହ ଉତ୍ସବରେ ଫାଟିଲା ସିଲିଣ୍ଡର, ଭୋଜି ଖାଇବାକୁ ଆସି ଚାଲିଗଲା ୫ ଜୀବନ

ଜୟପୁର: ବିବାହ ଉତ୍ସବ ବେଳେ ବଡ଼ ଦୁର୍ଘଟଣା । ଏକାଠି ଫାଟିଲା ୫ ଗ୍ୟାସ ସିଲିଣ୍ଡର । ୫ ଜଣଙ୍କ ମୃତ୍ୟୁ ହୋଇଥିବା ବେଳେ ୬୦ ଜଣ ଗୁରୁତର ହୋଇଛନ୍ତି । ଘଟଣା ଘଟିଛି ରାଜସ୍ଥାନ ଯୋଧପୁରର ସେରଗଡ଼ରେ । ଦୁର୍ଘଟଣାରେ ବରଙ୍କ ମାଆ, ବାପା ଓ ଭଉଣୀ ଗୁରୁତର ହୋଇଥିବା ବେଳେ ଦୁଇ ଶିଶୁଙ୍କ ମୃତ୍ୟୁ ହୋଇଛି । ଭଉଣୀଙ୍କ ସ୍ବାସ୍ଥ୍ୟାବସ୍ଥା ଅତି ସଙ୍କଟାପନ୍ନ ରହିଛି ।

ଗୁରୁତରଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ବାହାଘର ସମାରୋହ ଚାଲିଥିବା ବେଳେ ସିଲିଣ୍ଡର ବିସ୍ଫୋରଣ ହୋଇଥିଲା । ଗ୍ରାମବାସୀ ନିଆଁରେ ଫସି ରହିଥିବା ଲୋକଙ୍କୁ ଉଦ୍ଧାର କରିଥିଲେ । ଜିଲ୍ଲାପାଳ ଓ ଏସପି ଘଟଣାସ୍ଥଳରେ ପହଞ୍ଚିଥିବା ବେଳେ ମୃତକ ଓ ଆହତଙ୍କ ପରିବାରକୁ ସମବେଦନା ଜଣାଇଛନ୍ତି ମୁଖ୍ୟମନ୍ତ୍ରୀ ଅଶୋକ ଗେହଲଟ କହିଛନ୍ତି । ଆହତଙ୍କ ପରିବାରକୁ ଏକ ଲକ୍ଷ ସହାୟତା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ  ।