ଆସାମରୁ ୫ ବାଂଲାଦେଶୀ ଗିରଫ, ଅଲକାଏଦା ସଙ୍ଗଠନ ସହ ଲିଙ୍କ ଅଭିଯୋଗ

ଗୗେହାଟୀ: ବାଂଲାଦେଶର ଜେହାଦି ସଙ୍ଗଠନ ସହ ସମ୍ପର୍କ ଅଭିଯୋଗରେ ଆସାମର ବାରପେଟା ଜିଲ୍ଲାରୁ ପାଞ୍ଚ ବାଂଲାଦେଶୀ ନାଗରିକଙ୍କୁ ଗିରଫ କରାଯାଇଛି। ଜିହାଦି ସଙ୍ଗଠନ ଭାରତୀୟ ଉପମହାଦେଶରେ ଅଲ କାଏଦା ସହିତ ଜଡିତ ବୋଲି କୁହାଯାଏ । ଏନେଇ ପୋଲିସ ମହାନିର୍ଦ୍ଦେଶକ ଭାସ୍କର ଜ୍ୟୋତି ମହନ୍ତ ଶନିବାର ଦିନ ସୂଚନା ଦେଇଛନ୍ତି।

ପୋଲିସର ମହାନିର୍ଦ୍ଦେଶକ ଭାସ୍କର ଜ୍ୟୋତି ମହନ୍ତ କହିଛନ୍ତି ଯେ ରାଜ୍ୟ ପୋଲିସର ସ୍ୱତନ୍ତ୍ର ବ୍ରାଞ୍ଚର ଏକ ରିପୋର୍ଟ ଆଧାରରେ ବାରପେଟା ପୋଲିସ ହାଓ୍ୱଲି ଏବଂ କଲାଗାଛିଆ ପୋଲିସ ଷ୍ଟେସନ ଅଞ୍ଚଳରୁ ପାଞ୍ଚ ଜଣଙ୍କୁ ଗିରଫ କରିଛି।

ପୋଲିସର ସୂଚନାନୁସାରେ, ବାଂଲାଦେଶୀ ନାଗରିକ ମହମ୍ମଦ ସୁମନ ଓରଫ୍ ସୖେଫୁଲ ଇସଲାମ ଅନ୍ୟ ଚାରିଜଣଙ୍କୁ ବାରପେଟାରେ ଅଲକାଏଦାର ଜେହାଦି କାର୍ଯ୍ୟକଳାପର ଏକ ଗଡ଼ କରିବାକୁ କହିଥିଲା । ଡିଜିପି ଆହୁରି ମଧ୍ୟ କହିଛନ୍ତି ଯେ ସେମାନଙ୍କ ନିକଟରୁ କିଛି ଦସ୍ତାବିଜ୍ ଏବଂ ଇଲେକ୍ଟ୍ରୋନିକ୍ ଉପକରଣ ଜବତ କରାଯାଇଛି।