ଆନ୍ତଃରାଜ୍ୟ ଚାଲାଣ ବେଳେ ସାଢ଼େ ୫ କ୍ୱିଣ୍ଟାଲ୍ ଗଞ୍ଜେଇ ଜବତ, ପରିବା ଟ୍ରକରେ ଭର୍ତ୍ତି ଥିଲା ଗଞ୍ଜେଇ ବସ୍ତା

ଭୁବନେଶ୍ୱର: ଆଇନ୍ ଆଖିରେ ଅଙ୍ଗୁଠି ଗେଞ୍ଜି ଚାଲାଣ ହେଉଛି ଗଞ୍ଜେଇ । ଉପରେ ପରିବା ବସ୍ତା ଆଉ ଭିତରେ ଗଞ୍ଜେଇ । ଏଭଳି ଏକ ଟ୍ରକକୁ ଧରିଛି ରାଜସ୍ୱ ଗୁଇନ୍ଦା ନିର୍ଦ୍ଦେଶାଳୟ । ଟ୍ରକଟି ବାଇଗଣ ଓ ବନ୍ଧାକୋବି ଭଳି ପରିବା ବୋଝେଇ କରି ଆନ୍ଧ୍ରପ୍ରଦେଶରୁ ବିହାର ଯାଉଥିବା ବେଳେ ଜବତ କରାଯାଇଛି ।

ଯାଞ୍ଚ ବେଳେ ଖଣ୍ଡଗିରି ନିକଟରୁ ରାଜସ୍ୱ ଗୁଇନ୍ଦା ନିର୍ଦ୍ଦେଶାଳୟକୁ ମିଳିଛି ବଡ଼ ସଫଳତା । ବାଇଗଣ ଓ ବନ୍ଧାକୋବି ଚାଲାଣ ହେଉଥିବା ଟ୍ରକରୁ ରାଜସ୍ୱ ଗୁଇନ୍ଦା ନିର୍ଦ୍ଦେଶାଳୟ ସାଢ଼େ ୫ କ୍ୱିଣ୍ଟାଲ୍ ଗଞ୍ଜେଇ ଜବତ କରିଛି । ଜବତ ଗଞ୍ଜେଇର ଆନୁମାନିକ ମୂଲ୍ୟ ୮୦ ଲକ୍ଷ ଟଙ୍କା ହେବ ବୋଲି ଜଣାଡ଼ିଛି ।