ଭୁବନେଶ୍ବର: ଆକାଶରୁ ବର୍ଷୁଛି ନିଆଁ। ବାଲେଶ୍ବରରେ ସର୍ବକାଳୀନ ତାତି ରେକର୍ଡ କରାଯାଇଛି । ଚଳିତ ସିଜିନରେ ପ୍ରଥମ ଥର ୪୬ ଡିଗ୍ରୀ ଛୁଇଁଛି ତାପମାତ୍ରା। ୪୬ ଡିଗ୍ରୀ ସହ ବାଲେଶ୍ବର ରାଜ୍ୟର ଉତ୍ତପ୍ତ ସହର ପାଲଟିଛି। ଦିନ ୨.୩୦ ସୁଦ୍ଧା ବାଲେଶ୍ବରରେ ଏହି ତାପାମାତ୍ରା ରେକର୍ଡ କରାଯାଇଛି। ଆଜି ବାଲେଶ୍ୱର ରେକର୍ଡ ହୋଇଥିବା ୪୬ଡ଼ିଗ୍ରୀ ହେଉଛି ଏପ୍ରେଲ ମାସର ସର୍ବୋଚ୍ଚ ଦିନ ତାପମାତ୍ରାର ସର୍ବକାଳୀନ ରେକର୍ଡ। ଏହା ପୂର୍ବରୁ ୨୦ ଅପ୍ରେଲ ୨୦୧୦ ରେ ୪୫ ଡ଼ିଗ୍ରୀ ରେକର୍ଡ ହୋଇଥିଲା। ରାଜଧାନୀ ଭୁବନେଶ୍ବରରେ ୪୫.୪ ଡ଼ିଗ୍ରୀ ତାପମାତ୍ରା ରେକର୍ଡ କରାଯାଇଛି।
