ପ୍ରଥମ ପର୍ଯ୍ୟାୟରେ ମଇଦାନରେ ୧ ହଜାରରୁ ଊର୍ଦ୍ଧ୍ବ ପ୍ରାର୍ଥୀ, ୪୫0 ପ୍ରାର୍ଥୀ କୋଟିପତି

ନୂଆଦିଲ୍ଲୀ: ପ୍ରଥମ ପର୍ଯ୍ୟାୟରେ ପ୍ରତିଦ୍ବନ୍ଦ୍ବିତା କରୁଥିବା ପ୍ରାର୍ଥୀଙ୍କୁ ନେଇ ଆସିଛି ରିପୋର୍ଟ । ମଧ୍ୟପ୍ରଦେଶ ଛିନ୍ଦଓ୍ବାରାରୁ ଲଢୁଥିବା କଂଗ୍ରେସ ପ୍ରାର୍ଥୀ ନକୁଳନାଥ ହେଉଛନ୍ତି ସବୁଠାରୁ ଧନୀପ୍ରାର୍ଥୀ । ତାଙ୍କ ସମ୍ପତ୍ତି ପରିମାଣ ୭୧୬ କୋଟି ଟଙ୍କା । ଭୀମ ପାର୍ଟ ମୁଖ୍ୟ ଚନ୍ଦ୍ରଶେଖର ଆଜାଦ ରାବଣଙ୍କ ନାମରେ ରହିଛି ସର୍ବାଧିକ ୩୬ଟି ଅପରାଧିକ ମାମଲା । ସେ ଉତ୍ତରପ୍ରଦେଶ ନଗିନାରୁ ଲଢୁଛନ୍ତି ।

ପ୍ରଥମ ପର୍ଯ୍ୟାୟରେ ମଇଦାନରେ ଅବତୀର୍ଣ୍ଣ ହୋଇଛନ୍ତ ୧ ହଜାର ୬୨୫ ପ୍ରାର୍ଥୀ । ସେମାନଙ୍କ ମଧ୍ୟରୁ ମହିଳା ପ୍ରାର୍ଥୀଙ୍କ ସଂଖ୍ଯା ରହିଛି ୧୩୫ । ୨୫୨ ପ୍ରାର୍ଥୀଙ୍କ ନାମରେ ରହିଛି ଅପରାଧିକ ମାମଲା । ଏହି ୧୦୨ ଆସନରୁ ରେଡ ଆଲର୍ଟ ସିଟ୍ ସଂଖ୍ୟା ୪୨ । ଗୋଟିଏ ଆସନରୁ ଯଦି ଅପରାଧିକ ମାମଲା ଥିବା ୩ରୁ ଅଧିକ ପ୍ରାର୍ଥୀ ଲଢୁଥାନ୍ତି ତେବେ ତାହାକୁ ରେଡ ଆଲର୍ଟ ସିଟ୍ କୁହାଯାଏ ୧୭ ଜଣ ପ୍ରାର୍ଥୀଙ୍କ ନାମରେ ଲାଗିଛି ୩୦୨ ଧାରା ।

୧୯ ପ୍ରାର୍ଥୀଙ୍କ ବିରୋଧରେ ରହିଛି ହତ୍ଯା ଉଦ୍ୟମ ଅଭିଯୋଗ ଅର୍ଥାତ ସେମାନଙ୍କ ବିରୋଧରେ ଲାଗିଛି ଧାରା ୩୦୭ । ୧୮ ପ୍ରାର୍ଥୀଙ୍କ ବିରୋଧରେ ନାରୀ ନିର୍ଯାତନା ମାମଲା । ୪୫୦ ପ୍ରାର୍ଥୀ ଅଛନ୍ତି କୋଟିପତି । ୧୦ ପ୍ରାର୍ଥୀଙ୍କ ନାହିଁ କୌଣସି ସମ୍ପତ୍ତି । ୨୬ ପ୍ରାର୍ଥୀ ଅଛନ୍ତି ଅଶିକ୍ଷିତ । ୪ ପ୍ରାର୍ଥୀଙ୍କ ବୟସ ୮୦ରୁ ଅଧିକ ।