Corona Virus Updates: ୨୪ ଘଣ୍ଟାରେ ୪୦ ହଜାର ପାର୍ କଲା କରୋନା ସଂକ୍ରମିତଙ୍କ ସଂଖ୍ୟା
ନୂଆଦିଲ୍ଲୀ: ଦେଶରେ ପୁଣି କରୋନା କହର। ଦିନକୁ ଦିନ ଉପରମୁହାଁ ହେଉଛି କରୋନା ଗ୍ରାଫ୍ । ଗତ ୨୪ ଘଣ୍ଟାରେ ୪୦ ହଜାର ପାର କରିଛି କରୋନା ସଂକ୍ରମିତଙ୍କ ସଂଖ୍ୟା। ଦିନକରେ ୪୦ ହଜାର ୯୫୩ ହଜାର ଲୋକଙ୍କ ପଜିଟିଭ ରିପୋର୍ଟ ଆସିଛି। ଦୈନିକ ସଂକ୍ରମଣ ୨୦ ହଜାର ଓ ୩୦ ହଜାର ଭିତରେ ରହୁଥିବା ବେଳେ ଆଜି ଏହା ୪୧ ହଜାର ଛୁଇଁବାକୁ ବସିଛି। ଗତକାଲି ୩୯ ହଜାର ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଆଜି ସଂକ୍ରମିତଙ୍କ ସଂଖ୍ୟା ପ୍ରାୟ ୨ ହଜାର ବଢ଼ି ଯାଇଛି।
ସେହିଭଳି ୨୪ ଘଣ୍ଟାରେ ୧୮୮ ଜଣଙ୍କ ମୃତ୍ୟୁ ହୋଇଥିବା କେନ୍ଦ୍ର ସ୍ୱାସ୍ଥ୍ୟ ମନ୍ତ୍ରାଳୟ ସୂଚନା ଦେଇଛି । ଏବେ ଦେଶରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୨ କୋଟି ୮୮ ହଜାରରେ ପହଞ୍ଚିଛି । ଏଥିରେ ୧୭ ହଜାରରୁ ଅଧିକ ସକ୍ରିୟ ମାମଲା ରହିଛି। ତେବେ ଗତ ୨୪ ଘଣ୍ଟାରେ ୨୩ ହଜାର ୬୫୩ ଜଣ ସୁସ୍ଥ ମଧ୍ୟ ହୋଇଛନ୍ତି। ସେପଟେ ମହାରାଷ୍ଟରେ ଗତ ୨୪ ଘଣ୍ଟାରେ ୨୫ ହଜାର ୬୮ମ ନୂଆ ମାମଲା ସାମ୍ନାକୁ ଆସିଛି । ମହାରାଷ୍ଟ୍ରରେ ଏବେ ମୋଟ୍ ୧ ଲକ୍ଷ ୭୮ ହଜାରରୁ ଅଧିକ କରୋନାରେ ଆକ୍ରାନ୍ତ ହୋଇଛନ୍ତି । ଏଠାରେ ମୃତ୍ୟୁ ସଂଖ୍ୟା ୫୩ ହଜାର ଦୁଇ ଶହ ପାର କରିଛି।
ବଢ଼ୁଥିବା ସଂକ୍ରମଣକୁ ଦୃଷ୍ଟିରେ ରଖି ମହାରାଷ୍ଟ୍ର ସରକାର ଅନ୍ୟରାଜ୍ୟରୁ ଆସୁଥିବା ବସ୍ ଚଳାଚଳ ଉପରେ ରୋକ ଲଗାଇଛନ୍ତି। ଭୋପାଳ, ଇନ୍ଦୋର ଓ ଜବଲପୁରରେ ଆସନ୍ତାକାଲି ଲକଡାଉନ୍ ଘୋଷଣା କରାଯାଇଛି। ଦିଲ୍ଲୀରେ ମଧ୍ୟ କରୋନା କହର ଦେଖିବାକୁ ମିଳିଛି । ଦିଲ୍ଲୀରେ ଗୋଟିଏ ଦିନରେ ୭ଶହରୁ ଅଧିକ ଜଣଙ୍କ କରୋନା ରିପୋର୍ଟ ପଜିଟିଭ୍ ଆସିଛି।
