ରାଜଧନୀରେ ASO ଚାକିରୀ ଦେବା ନାଁରେ ୪୦ ଲକ୍ଷ ଠକେଇ ଅଭିଯୋଗ, ଜଣେ ଠକ ଗିରଫ

ଭୁବନେଶ୍ୱର: ରାଜଧନୀରେ ASO ଚାକିରୀ ଦେବା ନାଁରେ ଠକେଇ । ୪୦ ଲକ୍ଷ ଟଙ୍କା ଠକେଇ ଅଭିଯୋଗରେ ଜଣେ ଠକକୁ ଗିରଫ କରିଛି ସହିଦନଗର ଥାନା ପୋଲିସ । ଗିରଫ ଅଭିଯୁକ୍ତ ହେଲେ ମାଧବ ସେଠି । ସେ ଉତ୍କଲ ବିଶ୍ୱବିଦ୍ୟାଳୟର ଏକାଡେମୀ କୋଡ଼ିନେଟର ବିଭାଗର କର୍ମଚାରୀ । ଠକ ମାଧବ ପ୍ରାୟ ୪୦ଜଣଙ୍କୁ ଠକିଥିବା ଜଣା ପଡ଼ିଥିବା ବେଳେ ଏବେସୁଦ୍ଧା ୫ ଜଣ ପୋଲିସ ପାଖରେ ଅଭିଯୋଗ କରିଥିବା ପୋଲିସ ପକ୍ଷରୁ କୁହାଯାଇଛି। ଠକେଇର ଶିକାର ହୋଇଥିବା ଅଧିକାଂଶ ବାଣୀବିହାର ଛାତ୍ର। ମାଧବ ବିଶ୍ୱବିଦ୍ୟାଳୟରେ ଚାକିରି କରିଥିବାରୁ ଅନେକ ଆଶାୟୀଙ୍କୁ ନିଜ ଜାଲ ରେ ଫସାଇବା ସହଜ ହେଉଥିଲା । ଆଉ ଟଙ୍କା ନେବାପରେ ଆଉ ଧରା ଛୁଆ ନ ଦେବାପରେ ଠକେଇ ଶିକାର ହୋଇଥିବା ଯୁବକ ମାନେ ଥାନାରେ ଅଭିଯୋଗ କରିଥିଲେ।