ମାଆର ଗୁହାରି: ୧୦ ଦିନ ହେବ ପୁଅକୁ ଖୋଜୁଛି

କଟକ: ମୋ ପୁଅ କୁ ଖୋଜି ଆଣ…୧୦ ଦିନଠୁ ତାକୁ ମୁ ଦେଖିନି…ତାକୁ ନଦେଖିଲେ ମୁଁ ପାଗେଳି ହୋଇଯିବି ଏମିତି ଏକ ଆକୁଳ ନିବେଦେନ କରିଛନ୍ତି ଜଣେ ମାଆ । ୮ବର୍ଷର ପୁଅକୁ ଖୋଜି ଖୋଜି ପରିବାର ଆତ୍ମହରା ହୋଇପଡ଼ିଛନ୍ତି । ପୋଲିସ ପାଖରେ ଅଭିଯୋଗ କରିଥିଲେ ବି ପୁଅର କୌଣସି ପତ୍ତା ମିଳି ନଥିବା କହିଛନ୍ତି ପରିବାର ଲୋକ ।

ଘଟଣାଟି ହେଉଛି କଟକ ଜିଲ୍ଲା ମଧୁପଟନା ଅଞ୍ଚଳର  । ଗତ ଫେବ୍ରୁଆରୀ ୨୩ତାରିଖରେ କୈଳାଶ ବେହାରଙ୍କ ୭ବର୍ଷର ପୁଅ ଗଙ୍ଗାଧର ବେହେରା କେଉଁ ଆଡ଼େ ନିଖୋଜ ହୋଇଯାଇଛି । ଘଟଣା ଦିନ ୧୦ଟା ସମୟର ସେ ତା ସାଙ୍ଗମାନଙ୍କ ସହ ଖେଳିବାକୁ ଯାଇଥିଲା । ତାପରେ ସେ ଆଉ ଘରକୁ ଫେରିନଥିଲା । ପରିବାର ଲୋକେ ବହୁ ଖୋଜାଖୋଜି ମଧ୍ୟ କରିଥିଲେ ନପାଇବାରୁ ଥାନାରେ ଲିଖିତ ଅଭିଯୋଗ ମଧ୍ୟ କରିଥିଲେ । କିନ୍ତୁ ଦୀର୍ଘ ୧୦ଦିନ ହେବ ପିଲାଟିର କିଛି ପତ୍ତା ମିଳୁନଥିବାରୁ ପାଗଳି ପ୍ରାୟ ହୋଇପଡ଼ିଛନ୍ତି ମାଆ ପାର୍ବତୀ ବେହେରା ।