ପ୍ରକୃତ ଘଟଣା ଉପରେ ନିର୍ମିତ ୪ ଟି ୱେବ ସିରିଜ୍ ବର୍ତ୍ତମାନ  OTTରେ କମାଲ କରୁଛି

ନୂଆଦିଲ୍ଲୀ :  ଆଜିର ସମୟରେ ଲୋକମାନେ ମନୋରଞ୍ଜନ ପାଇଁ ଓଟିଟି ପ୍ଲାଟଫର୍ମକୁ ନିଜର ପ୍ରଥମ ପସନ୍ଦ ଭାବେ ବାଛିଛନ୍ତି । ପ୍ରତିଦିନ ଦର୍ଶକମାନେ ୱେବ୍ ସିରିଜ୍ ଦେଖିବାକୁ ଭଲ ପାଇଥାନ୍ତି । ତେବେ OTTରେ ୫ଟି ଏଭଳି ୱେବ୍ ସିରିଜ୍ ଆସିଛି, ଯାହା ଲୋକପ୍ରିୟ ହେବା ସହ ସତ ଘଟଣା ଉପରେ ଆଧାରିତ। ତେବେ ଚାଲନ୍ତୁ ଜାଣିବା ଏହି ୱେବ୍ ସିରିଜ୍ ବିଷୟରେ।

ଦିଲ୍ଲୀ କ୍ରାଇମ : ରିଚ୍ଚି ମେହେତାଙ୍କ ଦ୍ୱାରା ଲିଖିତ ଏବଂ ନିର୍ଦ୍ଦେଶିତ ଏହା ଏକ କ୍ରାଇମ୍ ଡ୍ରାମା ୱେବ୍ ସିରିଜ୍ । ଏହି ସିରିଜରେ ମୁଖ୍ୟ ଭୂମିକାରେ  ସେଫାଳୀ ସାହା, ରସିକା ଡୁଗଲ, ଆଦିଲ ହୁସେନ ଏବଂ ରାଜେଶ ତାଇଲାଙ୍ଗ ନଜର ଆସିଛନ୍ତି । ଏହାର ପ୍ରଥମ ସିଜିନ୍ ୨୦୧୨ରେ ଘଟିଥିବା ଗ୍ୟାଙ୍ଗ୍ ରେପ୍ ଉପରେ ଆଧାରିତ ହୋଇଥିବା ବେଳେ ଦ୍ୱିତୀୟ ସିଜିନ୍ ଚଡି ଗଞ୍ଜି ଗ୍ୟାଙ୍ଗ ଉପରେ ଆଧାରିତ ହୋଇଛି ।

ଖାକି : ବିହାର ଉପରେ ଆଧାରିତ ୱେବ୍ ସିରିଜ୍ ‘ଖାକି: ଦି  ବିହାର ଚାପ୍ଟର’ । ଏଥିରେ ମୁଖ୍ୟ ଭୂମିକାରେ  ନଜର ଆସିଛନ୍ତି ଅବିନାଶ ତିୱାରୀ, କରଣ ଠାକରେ, ଆଶୁତୋଷ ରାଣା, ନିକିତା ଦତ୍ତ, ରବି କିଶାନ, ଶ୍ରଦ୍ଧା ଦାସ ପ୍ରମୁଖ ନଜର ଆସିଛନ୍ତି ।

‘ସ୍କାମ୍ ୧୯୯୨; ଦି ହର୍ଷଦ ମେହ୍‌ତା ଷ୍ଟୋରି’ : ଏହି ସରିଜ୍ ହର୍ଷଦ ମେହତାଙ୍କ ବାସ୍ତବ ଜୀବନ ଉପରେ ନିର୍ମିତ । ଏଥିରେ ଅଭିନେତା ପ୍ରତୀକ ଗାନ୍ଧୀ ଦମ୍‌ଦାର ଅଭିନୟ କରି ଦର୍ଶକଙ୍କ ଦୃଷ୍ଟି ଆକର୍ଷଣ କରିଛନ୍ତି ।