୪ ପୋଲିସ କର୍ମଚାରୀଙ୍କର ହେବ ମିଛଧରା ପରୀକ୍ଷା

ଭୁବନେଶ୍ବର : ଭରତପୁର ଥାନା ବିବାଦ ଘଟଣା । ତତ୍କାଳୀନ ଥାନାଧିକାରୀ ଦୀନକୃଷ୍ଣ ମିଶ୍ରଙ୍କ ପରେ ନିଲମ୍ବିତ ଅନ୍ଯ ୪ ପୋଲିସ କର୍ମଚାରୀଙ୍କର ବି ମିଛଧରା ପରୀକ୍ଷା । ସେମାନଙ୍କର ପଲିଗ୍ରାଫ ଟେଷ୍ଟ ପାଇଁ କୋର୍ଟରେ ଆବେଦନ କରିଛି କ୍ରାଇମବ୍ରାଞ୍ଚ । ଏହା ସହ ଆବଶ୍ଯକସ୍ଥଳେ ଲାଏ ଡିଟେକ୍ସନ ଓ ବ୍ରେନ ମ୍ୟାପିଂ ଟେଷ୍ଟ ବି କରାଯିବ । ଏଥିପାଇଁ ନିଲମ୍ବିତ ପୋଲିସ କର୍ମଚାରୀଙ୍କ ସହମତି ମଗାଯାଇଛି । ଖୁବଶୀଘ୍ର ଏନେଇ କୋର୍ଟଙ୍କ ନିଷ୍ପତ୍ତି ଆସିବ । ୪ ନିଲମ୍ବିତ ପୋଲିସ କର୍ମଚାରୀ ହେଲେ SI ବୈଶାଳିନୀ ପଣ୍ଡା, ASI ଶୈଳମୟୀ ସାହୁ, ASI ସାଗରିକା ରଥ ଓ କନଷ୍ଟେବଳ ବଳରାମ ହାଁସଦା । ଗତ ୨୫ ତାରିଖରେ ନିଲମ୍ବିତ ଆଇଆଇସିଙ୍କର ପଲିଗ୍ରାଫ ଟେଷ୍ଟ କରିବାକୁ ଭୁବନେଶ୍ବର SDJM କୋର୍ଟ ଅନୁମତି ଦେଇଥିଲେ । ଖୁବଶୀଘ୍ର ଏକ ସ୍ବତନ୍ତ୍ର ଟିମ୍ ଦୀନକୃଷ୍ଣକୁ ନେଇ ଗୁଜୁରାଟ ଗାନ୍ଧୀନଗର ଗସ୍ତ କରିବ ।