ହାଇଦ୍ରାବାଦରୁ ନନ୍ଦନକାନନକୁ ଆସିଲା ୪ଟି ଓଟପକ୍ଷୀ

ଭୁବନେଶ୍ୱର: ନନ୍ଦନକାନନକୁ ଆସିଲେ ନୂଆ ଅତିଥୀ । ପ୍ରାଣୀ ଉଦ୍ୟାନକୁ ଆସିଛନ୍ତି ୪ଟି ଓଟପକ୍ଷୀ । ୪ଟି ଓଟପକ୍ଷୀଙ୍କ ମଧ୍ୟରେ ଗୋଟିଏ ଅଣ୍ଡିରା ଥିବାବେଳେ ଅନ୍ୟ ୩ଟି ମାଈ ରହିଛନ୍ତି । ଜନ୍ତୁ ଅଦଳବଦଳ ପ୍ରକ୍ରିୟାରେ ହାଇଦ୍ରାବାଦରୁ ଏହି ୪ଟି ଓଟପକ୍ଷୀଙ୍କୁ ଅଣାଯାଇଥିବା ନନ୍ଦନକାନନ କର୍ତ୍ତୃପକ୍ଷ ସୂଚନା ଦେଇଛନ୍ତି । ଏବେ ନନ୍ଦନକାନନରେ ମୋଟ ଓଟପକ୍ଷୀଙ୍କ ସଂଖ୍ୟା ୬ରେ ପହଞ୍ଚିଛି । ପୂର୍ବରୁ ଦୁଇଟି ଅଣ୍ଡିରା ଓଟପକ୍ଷୀ ଥିଲେ । ନନ୍ଦନକାନନ ପରିଚାଳନା କମିଟି ବୈଠକରେ ଏନେଇ ପୂର୍ବରୁ ଆଲୋଚନା କରାଯାଇ ନିଷ୍ପତ୍ତି ନିଆଯାଇଥିଲା । ଆଜି ନୂଆ ଓଟପକ୍ଷୀଙ୍କୁ ଖୁଆଡରେ ଛଡାଯାଇଛି । ସେମାନଙ୍କ ସ୍ବତନ୍ତ୍ର ଯତ୍ନ ନେଉଛନ୍ତି ଜନ୍ତୁ ରକ୍ଷକ ।