ଆତ୍ମସମର୍ପଣ କଲେ ୪ କୁଖ୍ୟାତ ମାଓବାଦୀ

ଉମରକୋଟ : ପୋଲିସ ନିକଟରେ ଆତ୍ମସମର୍ପଣ କଲେ ୪ କୁଖ୍ୟାତ ମାଓବାଦୀ । ସେମାନେ ହେଲେ ନବରଙ୍ଗପୁର ଜିଲ୍ଲା ସୀମାନ୍ତ ଛତିଶଗଡର କୁଏମାରୀ ଏରିଆ କମିଟି ଅଂଚଳର ମହିଳା କମାଣ୍ଡର ସୀତାୟ କୋରାମ, ଲୁକୁ ପୁନମ, ଗଙ୍ଗା ଦିଡଦେ ଓ ସରୀତା ସୋରି । ଏମାନେ ଉତ୍ତର ବସ୍ତର ଡିଭିଜନ ଅଧୀନରେ କୁଏମାରି ଏରିଆ କମିଟିରେ ସକ୍ରିୟ ଥିଲେ । ଏହାସହ ବହୁ ମାଓବାଦୀ କାର୍ଯ୍ୟକଳାପରେ ସେମାନେ ସମ୍ପୃକ୍ତ ଥିଲେ । ଯେଉଁଥିପାଇଁ ସୀତାୟ ଏବଂ ଲୁକୁଙ୍କ ଉପରେ ୫ ଲକ୍ଷ ଟଙ୍କା ଲେଖାଏଁ ପୁରଷ୍କାର ଘୋଷଣା କରାଯାଇଥିଲା । ଏହା ସହ ଅନ୍ୟ ଦୁଇ ମାଓବାଦୀଙ୍କ ଉପରେ ୧ ଲକ୍ଷ ଟଙ୍କା ଲେଖାଏଁ ପୁରଷ୍କାର ରାଶି ଘୋଷଣା କରାଯାଇଥିଲା । ସେମାନେ କାଙ୍କେର ଆରକ୍ଷୀ ଅଧୀକ୍ଷକ ଆଇ କେ ଏଲେସେଲାଙ୍କ ନିକଟରେ ସେମାନେ ଆତ୍ମସମର୍ପଣ କରିଛନ୍ତି ।