ରାଜ୍ୟରେ ଘଡ଼ଘଡ଼ି ସହ ବର୍ଷା, ବଜ୍ରାଘାତରେ ଗଲା ୪ ଜଣଙ୍କର ଜୀବନ

ରାଜ୍ୟର ବିଭିନ୍ନ ସ୍ଥାନରେ ଘଡ଼ଘଡ଼ି ସହ ବର୍ଷା ହୋଇଛି । ବର୍ଷା ସମୟରେ ବଜ୍ରାଘାତରେ ବିଭିନ୍ନ ସ୍ଥାନରେ ୪ ଜଣଙ୍କର ମୃତ୍ୟୁ ହୋଇଛି । ଚାନ୍ଦବାଲି ଥାନା ଅଧିନସ୍ଥ ବାଲିଗାଁରେ ଜଣଙ୍କର ଜୀବନ ଯାଇଛି । ବଜ୍ରାଘାନରେ ମୃତ୍ୟୁ ହୋଇଥିବା ବ୍ୟକ୍ତି ଜଣେ ହେଉଛନ୍ତି ଜଣେ କୃଷକ । ମୌସୁମୀ ବର୍ଷା ହେବା ସମୟରେ ଚାଷୀ ଜଣଙ୍କ ବିଲରେ କାମ କରୁଥିଲେ । ସେହି ସମୟରେ ପ୍ରବଳ ଘଡ଼ଘଡ଼ି ମାରିଥିଲା । ଯାହାପରେ ଚାଷୀ ଜଣକ ଅଚେତ ହୋଇପଡ଼ିଥିଲେ ।

ନିକଟରେ ଥିବା କେତେକ ଚାଷୀ ଧାଁ ଦୌଡ କରି ମଥୁରାଙ୍କୁ ବିଲରୁ ଆଣିବା ସହ ଆମ୍ବୁଲାନ୍ସ ଯୋଗେ ଚାନ୍ଦବାଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ । ତେବେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ସେହିପରି  କେନ୍ଦ୍ରାପଡ଼ା ଜିଲା ରାଜକନିକା ବ୍ଲକ ଓଳାଭର ଗାଁରେ ମଧ୍ୟ ଜଣଙ୍କର ମୃତ୍ୟୁ ହୋଇଛି । ଗ୍ରାହକ ସରୋଜ ଚାନ୍ଦବାଲି ବଜାରରେ ଘର ତିଆରି ସାମଗ୍ରୀ ଆଣିବାକୁ ଯାଇଥିବା ବେଳେ ତାଙ୍କର ମୃତ୍ୟୁ ହୋଇଥିଲା ।

ସେପଟେ ବାଲେଶ୍ୱର ଜିଲ୍ଲା ଖନ୍ତାପଡ଼ା ଥାନା ମଣ୍ଡ ଗାଁ ରେ ଆଜି ଅପରାହ୍ନ ରେ ବଜ୍ରା ଘାତରେ ଦୁଇ ଜଣଙ୍କ ର ମୃତ୍ୟୁ ହୋଇଥିବା ଜଣାପଡ଼ିଛି । ରକ୍ଷୀ ବାନ୍ଧିବାକୁ ଭାଇ ପାଖକୁ ଯାଇଥିବା ବେଳେ ଭାଇ ଭଉଣୀଙ୍କର ମୃତ୍ୟୁ ହୋଇଛି । ଭାସ୍କର ବେହେରାଙ୍କ ୧୨ ବର୍ଷ ର ଝିଅ ଆଶା ବେହେରା ଏବଂ ନିରଞ୍ଜନ ଦଳେଇ ଙ୍କ ର ୧୫ବର୍ଷର ପୁଅ ସୁଶାନ୍ତ ଦଳେଇଙ୍କର ମୃତ୍ୟୁ ହୋଇଛି । ଏହି ବଜ୍ରାଘାତରେ ଅନ୍ୟ ଦୁଇ ଜଣ ରଙ୍ଗଲତା ପ୍ରଧାନ ଓ ସ୍ୱାମୀ ବିଜୟ ପ୍ରଧାନ ଆହତ ହୋଇ ଖନ୍ତାପଡ଼ା ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ  ଚିକିସ୍ଥିତ ହୋଇଛନ୍ତି ।