ଶୀତ ରାତିରେ ଟ୍ରକ ତଳେ ଶୋଇଥିଲେ ଶ୍ରମିକ, ଅସାବଧାନତାରୁ ମାଡିଗଲା

ବରଗଡ଼: ମେଲଛାମୁଣ୍ଡାରେ ଅଭାବନୀୟ ଘଟଣା । ୪ ଜଣ ଶ୍ରମିକଙ୍କ ଉପରେ ମାଡ଼ିଗଲା ଟ୍ରକ । ନଳକୂଅ ଖୋଳିବା ପାଇଁ ଆସିଥିବା ଟ୍ରକ ଚଢିଯିବା ଫଳରେ ୪ ଜଣ ଶ୍ରମିକଙ୍କ ମୃତ୍ୟୁ ହୋଇଛି । ସମସ୍ତେ ମଧ୍ୟପ୍ରଦେଶର । ଜଣେ ଆହତ ଶ୍ରମିକଙ୍କୁ ବୁର୍ଲା ମେଡିକାଲକୁ ପଠାଯାଇଛି।

ଗତକାଲି ରାତିରେ ବିର୍ଜାମ ଅଞ୍ଚଳରେ ଦୁଇଟି ବୋରିଂ ଟ୍ରକ ନଳକୂଅ ଖୋଳୁଥିବା ବେଳେ ତଳେ ଶୋଇଥିବା ଶ୍ରମିକଙ୍କ ଉପରେ ଅନ୍ୟ ଏକ ଟ୍ରକ ମାଡ଼ିଯାଇଥିଲା । ଟ୍ରକ ଡ୍ରାଇଭରକୁ ଅଟକ ରଖାଯାଇଥିବାବେଳେ ଘଟଣାସ୍ଥଳରେ ମେଲଛାମୁଣ୍ଡା ପୋଲିସ ତଦନ୍ତ କରୁଛି ।