ଉତ୍ତର ପ୍ରଦେଶରେ ମଦ ମୃତ୍ୟୁ ଅଭିଯୋଗ: ୪ ମୃତ୍ୟୁ, ୧୫ ଗୁରୁତର

ବୁଲନ୍ଦସହର: ଉତ୍ତର ପ୍ରଦେଶରେ ମଦ ମୃତ୍ୟୁ ଅଭିଯୋଗ । ଯୋଗୀ ରାଜ୍ୟରେ ଗାଁ ଗାଁ ରେ ମିଳୁଛି ବିଷ ମଦ । ଏହାକୁ ପିଇବା ପରେ ଜୀବନ ହାରୁଛନ୍ତି ଅନେକ ଲୋକେ । ଏବେ ୟୁପିର ବୁଲନ୍ଦସହରରୁ ଆସିଛି ମଦ ମୃତ୍ୟୁ ଅଭିଯୋଗ । ମଦ ପିଇ ୪ ଜଣକ ମୃତ୍ୟୁ ହୋଇଥିବାବେଳେ ୧୫ ଜଣ ଗୁରୁତର ଅବସ୍ଥାରେ ବିଭିନ୍ନ ହସ୍ପିଟାଲରେ ଭର୍ତ୍ତି ହୋଇଛନ୍ତି ।

ଘଟଣାରେ ୩ ଜଣକୁ ପୋଲିସ ଉଠାଇନେଇଥିବାବେଳେ ୩ ପୋଲିସ କର୍ମଚାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଆରମ୍ଭ ହୋଇଛି । ୩ ଜଣ ପୋଲିସ ଅଫିସରଙ୍କୁ ନିଲମ୍ବିତ କରିଛନ୍ତି ସରକାର । ଗାଁ ଗାଁରେ ଏଭଳି ବିଷ ମଦ ବିକ୍ରି ହେଉଥିବାବେଳେ ସ୍ଥାନୀୟ ପ୍ରଶାସନ ସବୁ ଜାଣିଶୁଣି ଚୁପ ରହୁଥିବା ଅଭିଯୋଗ କରିଛନ୍ତି ସ୍ଥାନୀୟ ଲୋକ । ସରକାର ମଧ୍ୟ ଏହି ଘଟଣାରେ ସେଭଳି କିଛି ଆଖି ଦୃଶିଆ ପଦକ୍ଷେପ ନେଉନଥିବା କୁହାଯାଉଛି ।