ଭଟିଣ୍ଡାର ସେନା କ୍ୟାମ୍ପରେ ଗୁଳିମାଡ, ୪ ମୃତ

ଚଣ୍ଡିଗଡ: ପଞ୍ଜାବ ଭଟିଣ୍ଡାସ୍ଥିତ ମିଲିଟାରୀ ଷ୍ଟେସନରେ ଆଖିବୁଜା ଗୁଳିମାଡ । ଭୋର ପ୍ରାୟ ସାଢ଼େ ୪ଟା ବେଳେ ହୋଇଥିବା ଗୁଳିମାଡ଼ରେ ୪ ଜଣ ଯବାନଙ୍କ ମୃତ୍ୟୁ ହୋଇଛି । ଅଫିସର୍ସ ମେସ ଉପରେ ହମଲା କରିଥିବା ଦୁର୍ବୃତ୍ତ ସାଧା ପୋଷାକରେ ଥିବା ଜଣାପଡ଼ିଛି । ସାଉଥ ଓ୍ବେଷ୍ଟର୍ଣ୍ଣ କମାଣ୍ଡ ହେଡକ୍ବାର୍ଟର ପକ୍ଷରୁ ଏ ନେଇ ସୂଚନା ଦିଆଯାଇଛି ।

ଗୁଳିମାଡ ପରେ ପୁରା ଅଞ୍ଚଳକୁ ସିଲ କରାଯାଇ ସର୍ଚ୍ଚ ଅପରେସନ ଜାରି ରହିଛି । କୁଇକ ରିଆକ୍ସନ ଟିମ୍ ତଦନ୍ତ ଆରମ୍ଭ କରିଛି। କିଛିଦିନ ପୂର୍ବରୁ ୟୁନିଟ ଗାର୍ଡଙ୍କ ରୁମରୁ ଏକ ଇନସାସ ଆସଲ୍ଟ ରାଇଫଲ ଗାଏବ ହୋଇଯାଇଥିଲା ।