କମୁ ନାହିଁ ଦଲାଲ ରାଜ୍ । ପୁଣି କଟକ ଏସସିବି ମେଡ଼ିକାଲ ପରିସରରୁ ୪ ଦଲାଲ ଗିରଫ

ନନ୍ଦିଘୋଷ ବ୍ୟୁରୋ : କମୁ ନାହିଁ ଦଲାଲ ରାଜ୍ । ପୁଣି କଟକ ଏସସିବି ମେଡ଼ିକାଲ କଲେଜ୍ ପରିସରରୁ ଚାରି ଜଣ ଦଲାଲଙ୍କୁ ଗିରଫ କରି କୋର୍ଟ ଚାଲାଣ କରିଛି କଟକ ମଙ୍ଗଳାବାଗ ଥାନା ପୋଲିସ । ଏସସିବି ମେଡିକାଲରେ ରୋଗୀ ଓ ରୋଗୀଙ୍କ ସଂପର୍କିୟଙ୍କୁ ପ୍ରବର୍ତ୍ତାଇ ଘରୋଇ ହସ୍ପିଟାଲ ଓ ନର୍ସିଂ ହୋମକୁ ରୋଗୀ ପଠାଉଥିବା ଅଭିଯୋଗରେ ଦୁଇ ଦଲାଲ ଗିରଫ ହୋଇଛନ୍ତି। ଗିରଫ ଅଭିଯୁକ୍ତ ହେଉଛନ୍ତି ଏସସିବିର ୱାର୍ଡ ଆଟେଣ୍ଡାଣ୍ଟ ପ୍ରସନ୍ନ ନାୟକ ଓ ଅରୁଣ ନାୟକ।ଦୁହେଁ ଚିକିତ୍ସିତ ରୋଗୀଙ୍କୁ ଭଲ ଚିକିତ୍ସା ବାହାରେ କରାଇ ଦେବାକୁ କହି ରୋଗୀଙ୍କୁ ଘରୋଇ ହସ୍ପିଟାଲକୁ ପଠାଇ ଦେଉଥିଲେ। ଏଥି ପାଇଁ ରୋଗୀଙ୍କ ସଂପର୍କୀୟଙ୍କ ଠାରୁ ଅର୍ଥ ମଧ୍ୟ ଆଦାୟ କରୁଥିଲେ । ଏ ସଂପର୍କରେ ଅଭିଯୋଗ ପାଇବା ପରେ ପୋଲିସର ସ୍ବତନ୍ତ୍ର ସ୍କ୍ବାର୍ଡ ଏମାନଙ୍କୁ ଗିରଫ କରି କୋର୍ଟ ଚାଲାଣ କରିଛି।