ଭଦ୍ରକରେ ନୂଆ କରୋନା ପଜିଟିଭ୍ ମାମଲା ଚିହ୍ନଟ ପରେ ୪ଟି କଣ୍ଟେନ୍ମେଣ୍ଟ ଜୋନ୍ ଘୋଷଣା
1 min read
ଭଦ୍ରକ: ଜିଲ୍ଲାରେ କରୋନା ପଜିଟିଭ୍ଙ୍କ ସଂଖ୍ୟା ବଢୁଥିବାରୁ ଜିଲ୍ଲା ପ୍ରଶାସନର ଚିନ୍ତା ବଢ଼ିଛି । ଆଜି ନୂଆ ୩ ଜଣ କରୋନା ଆକ୍ରାନ୍ତ ଚିହ୍ନଟ ପରେ ବାସୁଦେବପୁର ବ୍ଲକ୍ରେ ସଂକ୍ରମଣ ରୋକିବା ପାଇଁ କଣ୍ଟନମେଣ୍ଟ ଜୋନ ଘୋଷଣା କରିଛି ଜିଲ୍ଲା ପ୍ରଶାସନ । ବାସୁଦେବପୁର ବ୍ଲକରେ ୪ଟି କଣ୍ଟେନ୍ମେଣ୍ଟ ଜୋନ ଘୋଷଣା କରାଯାଇଛି । ପ୍ରଥମ ଜୋନ୍ରେ ପଦ୍ମପୁର, ଲୁଙ୍ଗା, ସୁଗୋ,ଏର୍ତଳ, ଦ୍ୱିତୀୟ ଜୋନ୍ରେ ଖରିଡ଼ା- ବିନାୟକପୁର , ଗୁଆଗଡ଼ିଆ, ଜୋନ୍ ୩ରେ ଲକ୍ଷ୍ମୀଦାସପୁର, ବାଲିମେଢ଼ ଏବଂ ଜୋନ ୪ରେ ଅଡୁଆଁ ପଞ୍ଚାୟତ ରହିଛି ।
କଣ୍ଟେନ୍ମେଣ୍ଟ ଜୋନ ମଧ୍ୟରେ ପ୍ରବେଶ ପ୍ରସ୍ଥାନ ଉପରେ କଟକଣା ଲଗାଇଛି ଜିଲ୍ଲା ପ୍ରଶାସନ । ଜୋନ ପରିସରରେ ସମସ୍ତ ଦୋକାନ ବନ୍ଦ ରହିବ । ଅତ୍ୟାବଶ୍ୟକ ସାମଗ୍ରୀ ପ୍ରଶାସନ ଯୋଗାଇବ । ପରବର୍ତ୍ତି ଘୋଷଣା ଯାଏଁ ଜୋନ ମଧ୍ୟରେ ଥିବା ସରକାରୀ ତଥା ବେସରକାରୀ ଅନୁଷ୍ଠାନ ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି । ନିୟମ ଉଲ୍ଲଂଘନ କଲେ ଆଇନ ଅନୁଯାୟୀ ଦଣ୍ଡ ବିଧାନ କରାଯିବ ବୋଲି ଚେତାବନୀ ଦେଇଛି ଜିଲ୍ଲା ପ୍ରଶାସନ ।
