ଜଳିଗଲା ତିନି ମହଲା କୋଠା, ଶୋଇଥିବାବେଳେ ଜଳିଗଲେ ୪ ଶିଶୁ

ଡେରାଡୁନ: ଉତ୍ତରାଖଣ୍ଡ ଡେରାଡୁନରେ ବଡ଼ ଧରଣର ଅଘଟଣ । ଅଗ୍ନିକାଣ୍ଡରେ ୪ ଶିଶୁ ଜୀବନ୍ତ ଦଗ୍ଧ । ଡେରାଡୁନ ଅନ୍ତର୍ଗତ ତିଉନି ଅଞ୍ଚଳରେ ଥିବା ଏକ ତିନି ମହଲାରେ ଅଗ୍ନିକାଣ୍ଡ ଘଟିଛି । ଆଜି ଭୋରରେ କୋଠାରେ କୌଣସି କାରଣରୁ ନିଆଁ ଲାଗିଥିଲା ।

ଅଘଟଣରେ ପ୍ରାଣ ହରାଇଥିବା ସମସ୍ତ ଶିଶୁଙ୍କ ବୟସ ୩ରୁ ୧୦ ବର୍ଷ ମଧ୍ୟରେ ହେବ । ନିଆଁ ଲାଗିବାବେଳେ ଶିଶୁମାନେ ଶୋଇଥିବାରୁ ସେମାନେ ବାହାରକୁ ବାହାରି ପାରି ନଥିଲେ । ଘରର ମାଲିକ ସୁରତରାମ ଯୋଶୀ ନାମକ ଜଣେ ଅବସରପ୍ରାପ୍ତ କର୍ମଚାରୀଙ୍କ ବୋଲି ସୂଚନା ମିଳିଛି । ଘଟଣାସ୍ଥଳରେ ୨ଟି ଦମକଳବାହିନୀ ଟିମ୍ ଉପସ୍ଥିତ ରହି ଉଦ୍ଧାର କାର୍ଯ୍ୟ କରିଛନ୍ତି ।

ତେବେ ଦମକଳ ଗାଡିରେ ପାଣି ନଥିବାରୁ ଘଟଣାସ୍ଥଳରେ ଗାଡି ପହଞ୍ଚିବା ଯଥେଷ୍ଟ ବିଳମ୍ବ ହୋଇଥିଲା । ଏହାକୁ ନେଇ ସେଠାରେ ଉତ୍ତେଜନା ସୃଷ୍ଟି ହୋଇଥିଲା । ଏଲପିଜି ସିଲିଣ୍ଡରରୁ ନିଆଁ ବାହାରିଥିବା କୁହାଯାଇଛି ।