ସାଇବର ଥାନା ପୋଲିସ ହାତରେ ୪ ଠକ, ଟଙ୍କା ବିନିଯୋଗ କରିବାକୁ କହି ଠକେଇ

ଭୁବନେଶ୍ବର: ସାଇବର ଥାନା ପୋଲିସ ହାତରେ ୪ ଠକ। ବିଟ କଏନରେ ଟଙ୍କା ବିନିଯୋଗ କରିବାକୁ କହି ୧୪ ଲକ୍ଷ ଟଙ୍କା ଠକେଇ । ସୋସିଆଲ ମିଡିଆ ପ୍ଲାଟଫର୍ମ ଟେଲିଗ୍ରାମ ଲିଙ୍କରେ ଭିଡ଼ିଓକୁ ଲାଇକ ଓ ସେୟାର କରି ଟଙ୍କା ରୋଜଗାରର ଲୋଭ ଦେଖାଇ ଟଙ୍କା ଲୁଟିଥିଲେ। ୪ ଜଣ ଠକ ହେଲେ ବିବେକାନନ୍ଦ ମଲିକ, ସପନ କୁମାର ଦଳେଇ , ସୁନିଲ କୁମାର ଦାସ ଓ ବିଜନ କୁମାର ପଣ୍ଡା । ୪ ଜଣ ବାଲେଶ୍ବର ଜିଲ୍ଲାର ହୋଇଥିବା ଜଣାପଡିଛି ।

୪ ଜଣକ ଆକାଉଣ୍ଟରେ ଥିବା ୩୨ ଲକ୍ଷ ଟଙ୍କା ଫ୍ରିଜ କରିଛି ସାଇବର ପୋଲିସ । ସେମାନଙ୍କ ପାଖରୁ ୧୦ଟି ଏଟିଏମ,୫ ଟି ପାସ ବୁକ୍, ଗୋଟେ ଲାପଟପ୍, ୪ଟି ମୋବାଇଲ, ୭ ଟି ଚେକ୍ ବୁକ୍ ସହ ଗୋଟେ ସିମ୍ ଜବତ ହୋଇଛି । ସୂଚନା ଅନୁସାରେ ପ୍ରଥମେ ସାଇବର୍‌ ଠକ ପ୍ରମୋଦ ସାହୁଙ୍କୁ ଟେଲିଗ୍ରାମରେ ଲିଙ୍କ ପଠାଇଥିଲା । ଘରେ ବସି ଆପଣ ଭଲ ପଇସା କମେଇ ପାରିବେ। ଏଥିପାଇଁ ବିଶେଷ କିଛି ଇନଭେଷ୍ଟ କରିବାକୁ ପଡ଼ିବନି । ଠକଙ୍କ କଥାରେ ପଡି ପ୍ରଥମେ ପ୍ରମୋଦ ସାହୁ ୧ହଜାର ଟଙ୍କା ଇନଭେସ୍ଟ କଲେ ତା ପରେ ସେ ପ୍ରାୟ 50,000 ଟଙ୍କା ଇନଭେସ୍ଟ କରି 60 ହଜାର ଟଙ୍କା ପାଇଲେ ।

ଲୋଭରେ ଭଲ ଟଙ୍କା ପାଉଥିବା ଦେଖି ସାଇବର୍ ଠକ ତାଙ୍କୁ କହିଲେ ଭଲ ବିଜନେସ କରୁଛନ୍ତି ଏବଂ ଆପଣ ବିଟ୍ କଏନ୍ ଓ କ୍ରିପଟୋ କରେନ୍ସି ପଇସା ଲଗାଇ ଭଲ ରୋଜଗାର କରିପାରବେ । ଠକ କଥାରେ ରାଜି ହୋଇ ପ୍ରମୋଦ ଗୋଟେ ଆକାଉଣ୍ଟ ଖୋଲିଥିଲେ। ଯେଉଁଥିରେ ସେ ତାଙ୍କର ସମସ୍ତ ତଥ୍ୟ ସାଇବର ଠକଙ୍କୁ ଦେଇଥିଲେ । ତାପରେ ତାଙ୍କର ଗୋଟେ ID ଠକ ଖୋଲିଥିଲେ ଓ ତାଙ୍କୁ ୫ ଲକ୍ଷ ଇନଭେସ୍ଟ କରିବାକୁ କହିଥିଲେ । ଦୁଇ ଲକ୍ଷ ପାଇବା ପରେ ବଳକା ଟଙ୍କା ପାଇଁ କହିବା ପରେ ତାଙ୍କ ଆକାଉଣ୍ଟ ବ୍ଲକ କରିଥିଲେ।

ଏହିପରି ଭାବରେ ପ୍ରମୋଦ ସାହୁ ୧୪ ଲକ୍ଷ ଇନଭେଷ୍ଟ କରିବା ପରେ ଜାଣିପାରିଥିଲେ ଯେ ସେ ସାଇବର ଠକଙ୍କ କବଳରେ ପଡିଯାଇଛନ୍ତି । ନିଜର ସମସ୍ତ ଟଙ୍କା ହରାଇଛନ୍ତି । ଏହି ଘଟଣାରେ ୪ ଜଣ ଠକଙ୍କୁ ଗିରଫ କରିଛି ସାଇବର ପୋଲିସ୍ ।