ବାଇକରେ ଆସିଲେ ଦମ୍ପତିଙ୍କଠୁ ୪ ଲକ୍ଷ ୫୦ ହଜାର ଟଙ୍କା ଝାମ୍ପିନେଲେ ଦୁର୍ବୃତ୍ତ

ବ୍ରହ୍ମପୁର: ଦମ୍ପତିଙ୍କ ଠାରୁ ଝାମ୍ପି ନେଲେ ୪ଲକ୍ଷ ୫୦ହଜାର ଟଙ୍କା । ବ୍ରହ୍ମପୁର ଲାଞ୍ଜିପଲ୍ଲୀ ଅଞ୍ଚଳରୁ ଲୁଟ୍ । ଦମ୍ପତିଙ୍କ ଘର ରଙ୍ଗେଇଲୁଣ୍ଡା ବ୍ଲକ ଆରୁଆପଲି ଅଞ୍ଚଳରେ । ଆଜି ୧୧ଟା ରେ ଉଭୟ ସ୍ବାମୀ ସ୍ତ୍ରୀ ବାଇକ୍ ରେ ଲାଞ୍ଜିପଲୀ ଷ୍ଟେଟ ବ୍ୟାଙ୍କକୁ ଆସିଥିଲେ । ସେଠାରେ ୫ଲକ୍ଷ ୩୦ ହଜାର ଟଙ୍କା ଉଠାଇଥିଲେ । ସ୍ତ୍ରୀଙ୍କ ଭ୍ୟାନିଟିରେ ୪ ଲକ୍ଷ ୫୦ହଜାର ଟଙ୍କା ରଖିଥିବା ବେଳେ ଅନ୍ୟ ଏକ ବ୍ୟାଗ୍ ରେ ୭୦ହଜାର ଟଙ୍କା ରଖି ବଳକା ୧୦ହଜାର ଟଙ୍କା ନିଜ ଝିଅ ଆକାଉଣ୍ଟରେ ଜମା କରିଥିଲେ ।

ସେଠାରୁ ବାଇକ୍ ଯୋଗେ ଆଙ୍କୁଲି ଓଭର ବ୍ରିଜ ଦେଇ ଘରକୁ ଫେରୁଥିଲେ । ଏହି ସମୟରେ ଦୁଇ ଜଣ ଯୁବକ ବ୍ୟାଙ୍କ୍ ନିକଟରୁ ଉଭୟଙ୍କୁ ବାଇକ୍ ରେ ପିଛା କରି ଆଙ୍କୁଳି ଓଭର ବ୍ରିଜ ନିକଟରେ ବାଇକ୍ କୁ ଧକ୍କା ଦେଇ ଭ୍ୟାନିଟି ଝାମ୍ପି ନେଇ ଥିଲେ । ଏନେଇ ବୈଦ୍ୟନାଥ ପୁର ଥାନାରେ ଅଭିଯୋଗ ପରେ ପୋଲିସ ବ୍ୟାଙ୍କ୍ ଓ ରାସ୍ତାରେ ଥିବା ସିସିଟିଭି ଫୁଟେଜ ଯାଞ୍ଚ କରି ତଦନ୍ତ କରୁଛି ।