କୋଣାର୍କ ସୁରକ୍ଷା ପାଇଁ ଡ୍ରୋନ ଦ୍ୱାରା ନିଆଗଲା ଥ୍ରୀ-ଡି ଚିତ୍ର

କୋଣାର୍କ: ସୂର୍ଯ୍ୟମନ୍ଦିର ସୁରକ୍ଷା ଚିନ୍ତା। ପ୍ରତ୍ନତତ୍ୱ ବିଭାଗ ପକ୍ଷରୁ ଡ୍ରୋନ୍‌ କ୍ୟାମେରାରେ ଥ୍ରୀ-ଡି ଚିତ୍ର ଉତ୍ତୋଳନ କାର୍ଯ୍ୟ ଆରମ୍ଭ ହୋଇଛି। ମୁମ୍ବାଇସ୍ଥିତ ସେନ୍ସ ଟେକ୍ନୋଲୋଜି ନାମକ ଏକ ଘରୋଇ ସଂସ୍ଥା ପକ୍ଷରୁ ପ୍ରାଥମିକ ପର୍ଯ୍ୟାୟରେ ମନ୍ଦିର ଥିବା ଜମି, ଚାରିପାଖ ସ୍ଥିତି, ମନ୍ଦିରରେ ଥିବା ପ୍ରତିଟି ମୂର୍ତ୍ତିର ଡକ୍ୟୁମେଣ୍ଟେସନ୍‌ ପାଇଁ ଡ୍ରୋନ୍‌ କ୍ୟାମେରା ସାହାଯ୍ୟରେ ଥ୍ରୀଡି ଚିତ୍ର ଉତ୍ତୋଳନ କରାଯାଇଛି ।

ଏହାପରେ ମନ୍ଦିରରେ ସଂସ୍ଥା ଦ୍ଵାରା ଲେଜର ସ୍କାନିଂ କରାଯାଇ ମନ୍ଦିରର ବାହ୍ୟ ଓ ଆଭ୍ୟନ୍ତରସ୍ଥିତି ପୁଣି ଯାଞ୍ଚ କରାଯିବ। ଭାରତୀୟ ପ୍ରତ୍ନତତ୍ୱ ସର୍ଭେକ୍ଷଣ ସଂସ୍ଥା ଦ୍ଵାରା ଆୟୋଜିତ କର୍ମଶାଳାରେ କୋଣାର୍କର ସୁରକ୍ଷା ଓ ରକ୍ଷଣାବେକ୍ଷଣ ଉପରେ ଗୁରୁତ୍ୱ ଦେଇଥିଲେ କେନ୍ଦ୍ର ପର୍ଯ୍ୟଟନ ମନ୍ତ୍ରୀ ପ୍ରହଲ୍ଲାଦ ସିଂ।