କୋଭିଡ୍ କେୟାର ଭାବେ ବ୍ୟବହାର ପାଇଁ ୩,୮୧୬ ରେଲୱେ କୋଚ୍ ଉପଲବ୍ଧ

ନୂଆଦିଲ୍ଲୀ: ଦେଶ ସହ କୋଭିଡ୍ ସହ ଲଢ଼ୁଛି । ବିଭିନ୍ନ ରାଜ୍ୟରେ କୋଭିଡ୍ ଆକ୍ରାନ୍ତଙ୍କ ଲାଗି ଅକ୍ସିଜେନ୍ ଅଭାବ ରହିଥିବା ବେଳେ ନୂଆ ସଂକଟ ସୃଷ୍ଟି କରିଛି ଶଯ୍ୟାଭାବ । ଏଭଳି ପରିସ୍ଥିତିରେ ଆଶାର କିରଣ ସାଜିଛି ଭାରତୀୟ ରେଳବାଇ । ଏବେ ୩ ହଜାର ୮୧୬ କୋଚ କୋଭିଡ୍-୧୯ କୋଚ ଭାବେ ବ୍ୟବହାର ପାଇଁ ଉପଲବ୍ଧ ରହିଛି । ରାଜ୍ୟ ସରକାରଙ୍କ ଆବଶ୍ୟକତା ଅନୁସାରେ ଏହି କୋଚକୁ ମୁତୟନ କରାଯିବ ବୋଲି ରେଲୱେ ପକ୍ଷରୁ କୁହାଯାଇଛି ।

ରେଲୱେ ଅନୁସାରେ, ୨୧ଟି କୋଭିଡ୍ କୋଚକୁ ମହାରାଷ୍ଟ୍ରର ନନ୍ଦୁରବର ଜିଲ୍ଲାରେ ମୁତୟନ କରାଯାଇଛି । ଯେଉଁଠି ଏବେ ୪୭ ଜଣ ଆକ୍ରାନ୍ତି ଚିକିତ୍ସିତ ହେଉଛନ୍ତି । ସେହିଭଳି ଶକୁର ବସ୍ତିରେ ୫୦ଟି କୋଚ୍, ଆନନ୍ଦବିହାରରେ ୨୫ଟି କୋଚ୍, ବାରଣାସୀରେ ୧୦ଟି, ବଦୋହୀରେ ୧୦ଟି ଏବୂଂ ଫୈଇଜାବାଦରେ ୧୦ଟି କୋଚ୍ ରଖାଯାଇଥିବା ସୂଚନା ଦେଇଛି ଭାରତୀୟ ରେଳବାଇ ।

ଭାରତ ସରକାରଙ୍କ ସ୍ୱାସ୍ଥ୍ୟସେବାକୁ ସୁଦୃଢ଼ କରିବା ଲାଗି ରେଲୱେ ମୋଟ ୫ ହଜାର ୬୦୧ ଟ୍ରେନ୍ କୋଚକୁ କୋଭିଡ୍ କେୟାର ସେଣ୍ଟରରେ ରୂପାନ୍ତରିତ କରିଛି । ଏବେ ୩ ହଜାର ୮୧୬ଟି କୋଚ୍ କୋଭିଡ୍ କୋଚ୍ ଭାବେ ବ୍ୟବହାର ପାଇଁ ଉପଲବ୍ଧ ରହିଛି । ଏହି କୋଚ୍ ଗୁଡ଼ିକରେ କରୋନାର ସ୍ୱଳ୍ପ ଲକ୍ଷଣ ଥିବା ଆକ୍ରାନ୍ତଙ୍କ ଚିକିତ୍ସା କରାଯାଇ ପାରିବ ।

ଆଜିଠୁ ମଧ୍ୟପ୍ରଦେଶ ରାଜଧାନୀ ଭୋପାଳରେ ୨୦ଟି କୋଚ୍ ଏଭଂ ପଶ୍ଚିମ କେନ୍ଦ୍ରୀୟ ରେଲୱେର ହବିବାଗଞ୍ଜ ରେଲୱେ ଷ୍ଟେସନରେ ୨୦ଟି କୋଭିଡ୍ କୋଚ୍ ମୁତୟନ କରାଯିବ । ଏହି କୋଭିଡ୍ କୋଚକୁ କାର୍ଯ୍ୟକ୍ଷମ କରାଯାଇ ରଲୱେ ରାଜ୍ୟ ସରକାରଙ୍କୁ ହସ୍ତାନ୍ତର କରିବ ।