ବିବାହ ଭୋଜି ଖାଇ ଝାଡାବାନ୍ତିରେ ୩୮ ଜଣ ଅସୁସ୍ଥ

ନବରଙ୍ଗପୁର: ନବରଙ୍ଗପୁର ଉମରକୋଟ ବ୍ଲକ ତୋହରା ଗ୍ରାମରେ ବିବାହ ଭୋଜି ଖାଇ ୩୮ ଜଣ ଅସୁସ୍ଥ । ଭୋଜି ଖାଇବା ପରେ ୩୮ ଜଣ ଝାଡାବାନ୍ତି ହେବାରୁ ସମସ୍ତଙ୍କୁ ଆମ୍ବୁଲାନ୍ସ ସହାୟତାରେ ଡାକ୍ତରଖାନାରେ ଭର୍ତ୍ତି କରାଯାଇଛି । ପୂଜାରୀଗୁଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଜଣେ ଶିଶୁ, ପାଞ୍ଚ ଜଣ ମହିଳା, ୬ ଜଣ ପୁରୁଷଙ୍କୁ ଚିକିତ୍ସା କରାଯାଉଛି ।

ସେହିପରି ଉମରକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ୯ ଜଣ ଶିଶୁ, ୧୦ ଜଣ ମହିଳା, ୭ ଜଣ ପୁରୁଷଙ୍କୁ ଚିକିତ୍ସା କରାଯାଉଛି । ଏମାନଙ୍କ ମଧ୍ୟରୁ କୌଣସି ଆକ୍ରାନ୍ତ ଗୁରୁତର ନଥିବା ଜଣାପଡିଛି । ଚିକିତ୍ସା ପରେ ସମସ୍ତେ ସୁସ୍ଥ ଥିବା କହିଛନ୍ତି ଉମରକୋଟ ମେଡିକାଲ୍ ଅଫିସର ।