୨୪ ଘଣ୍ଟାରେ ଦେଶରେ ୩୭,୭୨୪ ନୂଆ କରୋନା ସଂକ୍ରମିତ ମାମଲା, ୬୪୮ ଜଣଙ୍କର ମୃତ୍ୟୁ
ନୂଆଦିଲ୍ଲୀ: ଦେଶରେ ବଢ଼ୁଛି କରୋନା ସଂକ୍ରମଣ । ୨୪ ଘଣ୍ଟାରେ ୩୭ ହଜାର ୭୨୪ ନୂଆ ପଜିଟିଭ୍ ଚିହ୍ନଟ ହୋଇଥିବା ବେଲେ ୬୪୮ ଜଣଙ୍କ ମୃତ୍ୟୁ ହୋଇଛି । ଦେଶରେ ମୋଟ୍ କରୋନା ପଜିଟିଭ୍ ସଂଖ୍ୟା ୧୧ ଲକ୍ଷ ୯୨ହଜାର ୯୧୫କୁ ବୃଦ୍ଧି ହୋଇଛି । ସେହିପରି ଆକ୍ଟିଭ୍ କେସ ରହିଛି ୪ଲକ୍ଷ ୧୧ହଜାର ୧୩୩, ସୁସ୍ଥ ହେଲେଣି ୭ଲକ୍ଷ ୫୩ହଜାର ୫୦ । ଦେଶରେ ମୋଟ୍ କରୋନା ମୃତ୍ୟୁସଂଖ୍ୟା ୨୮ହଜାର ୭୩୨ ରହିଥିବା କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ମିଳିଛି ।
ଦେଶରେ ଏହି ମହାମାରୀ ଯୋଗୁଁ ମୃତ୍ୟୁ ହୋଇଥିବା ଆକ୍ରାନ୍ତଙ୍କ ସଂଖ୍ୟା ୭,୫୩,୦୫୦କୁ ପହଞ୍ଚିଛି । ଦେଶରେ ବର୍ତ୍ତମାନ ରିକଭରୀ ରେଟ୍ ୬୩.୧୨ % ରହିଛି । ଅନ୍ୟପଟେ ପଜିଟିଭିଟି ରେଟ୍ ୧୦.୯୯% ରେ ପହଞ୍ଚିଛି । ଅର୍ଥାତ ଯେତିକି ନମୁନାର ଯାଞ୍ଚ କରାଯାଉଛି, ସେଥିରୁ ୧୦.୯୯% ନମୁନା ପଜିଟିଭ ବାହାରୁଛି । ଯଦି ସାମ୍ପେଲ ଟେଷ୍ଟିଂର କଥା କହିବା ତେବେ ଦେଶରେ ୨୧ ଜୁଲାଇ ଯାଏଁ ୧,୪୭,୨୪,୫୪୬ ସାମ୍ପେଲର ଟେଷ୍ଟଂ ହୋଇଚି । ଅନ୍ୟପଟେ ୨୧ ଜୁଲାଇରେ ୩,୪୩,୨୪୩ ସାମ୍ପବେଲ ଟେଷ୍ଟିଂ କରାଯାଇଛି ।
ସେହିପରି ମହାରାଷ୍ଟ୍ରରେ ୩ ଲକ୍ଷ ଟପିଲାଣି କରେନା ଆକ୍ରାନ୍ତଙ୍କ ସଂଖ୍ୟା । ୧୨ ହଜାର ୨୭୬ କୁ ବୃଦ୍ଧି ହୋଇଛି ମହାରାଷ୍ଟ୍ରରେ ମୃତ୍ୟୁସଂଖ୍ୟା । ତାମିଲନାଡୁରେ ଲକ୍ଷେ ୮୦ ହଜାର ୬୪୩ କରୋନା ପଜିଟିଭ୍ ଚିହ୍ନଟ ହୋଇଥିବା ବେଳେ ୨୬ ଶହ ୨୬ ଜଣଙ୍କ ମୃତ୍ୟ ହେଲାଣି ଦିଲ୍ଲୀରେ ଲକ୍ଷେ ୨୫ ହଜାର ୯୬ଜଣ କରୋନା ସଂକ୍ରମିତ ହୋଇଥିବା ବେଳେ ୩୬ଶହ ୯୦ଜଣଙ୍କ ମୃତ୍ୟୁ ହେଲାଣି ।
