ନୂଆଦିଲ୍ଲୀ: ଦେଶରେ କିଛିଦିନ ହେବ ୪୦ ହଜାର ତଳେ ରହିଛି କରୋନା ସଂକ୍ରମଣ ମାମଲା। ୨୪ ଘଣ୍ଟାରେ ଦେଶରେ ଚିହ୍ନଟ ହୋଇଛନ୍ତି ଆଉ ୩୬ ହଜାର ୫୯୪ ପଜିଟିଭ କରୋନା ଆକ୍ରାନ୍ତ ଏବଂ ମହାମାରୀରେ ଯାଇଛି ଆଉ ୫୪୦ଙ୍କ ଜୀବନ। ଦେଶରେ
କରୋନାରେ ମୃତ୍ୟୁ ହାର ୧.୪୫ ପ୍ରତିଶତ ରହିଥିବା ବେଳେ ସୁସ୍ଥତା ହାର ୯୪.୨୦ପ୍ରତିଶତ ରହିଛି । ଏଥିସହ ସାରାଦେଶରେ କରୋନା ଜନିତ ମୃତ୍ୟୁସଂଖ୍ୟା ସମୁଦାୟ ୧ ଲକ୍ଷ ୩୯ ହଜାର ୧୮୮ରେ ପହଞ୍ଚିଛି । ସେହିପରି ମୋଟ ଆକ୍ରାନ୍ତଙ୍କ ସଂଖ୍ୟା ୯୫ ଲକ୍ଷ ୭୧ ହଜାର ୫୫୯ରେ ପହଞ୍ଚିଛି ।
ସେମଧ୍ୟରୁ ୯୦ ଲକ୍ଷ ୧୬ ହଜାର ୨୮୯ ଆକ୍ରାନ୍ତ ସୁସ୍ଥ ହୋଇଥିବା ବେଳେ, ୪ ଲକ୍ଷ ୧୬ ହଜାର ୦୮୨ ସକ୍ରିୟ ମାମଲା ରହିଛି । ଗତ ୨୪ ଘଣ୍ଟାରେ ୪୨ ହଜାର ୯୧୬ ଜଣ କରୋନା ଆକ୍ରାନ୍ତ ସୁସ୍ଥ ହୋଇଛନ୍ତି । ଅପରପକ୍ଷରେ ଆକ୍ଟିଭ କେସ୍ ୪.୩୫% ରହିଛି ।
