ଗହୀରମଥାରେ ଛଡା ହେଲେ ବର୍ଷର ପ୍ରଥମ କୁମ୍ଭୀର ଛୁଆ

କେନ୍ଦ୍ରାପଡା: ଆଜି ଗହୀରମଥାରେ  ଥିବା କଣ୍ଡରା ପାଟିଆ ନଦୀରେ ଛଡାଯାଇଛି ୩୬ଟି କୁମ୍ଭୀର  । କୃତ୍ରିମ ଉପାୟରେ ପ୍ରଜନନ ହୋଇଥିବା କୁମ୍ଭୀର ଛୁଆ ଗୁଡିକ ନଦୀରେ ଛଡା ଯାଇଛି । ପ୍ରତିବର୍ଷ ଭଳି ଚଳିତ ବର୍ଷ ଆଜି ପ୍ରଥମ ଥର ଏହି କୁମ୍ଭୀର ଛୁଆ ଛଡ଼ା ଯାଇଥିବା ଜଣା ପଡ଼ିଛି ।

କୁମ୍ଭୀର ବସା ଓ ନଦୀ ପଠା ମାନଙ୍କରୁ ବନବିଭାଗ କୁମ୍ଭୀର ଅଣ୍ଡାକୁ ଉଦ୍ଧାର କରାଯାଇ କୃତ୍ରିମ ଉପାୟରେ ଛୁଆ ଫୁଟାଇ ହାଚେରୀରେ ରଖିଥାଏ । କୁତ୍ରିମ ଉପାୟରେ ପ୍ରଜନନ ହେଉଥିବା ଛୁଆ ମାନଙ୍କର ବୟସ ଯେତେବେଳେ ଦୁଇ ବର୍ଷରୁ ଉର୍ଦ୍ଧ୍ବ ହୋଇଯାଏ ଅଥବା ଛୁଆ ମାନଙ୍କର ଲମ୍ବ ୩ ଫୁଟରୁ ଅଧିକ ହୋଇଗଲେ ହାଚେରୀରୁ ନେଇ ନଦୀରେ ଛାଡି ଦିଆଯାଇଥାଏ ।

ଆଜି ଛଡା ଯାଇଥିବା କୁମ୍ଭୀର ଛୁଆ ଗୁଡିକ ୨୦୧୯-୨୦ ବର୍ଷର ହୋଇଥିବା ବେଳେ ଏହି କୁମ୍ଭୀର ଛୁଆଙ୍କ ମଧ୍ୟରୁ ୧୨ ଟି ଅଣ୍ଡିରା ଓ ୨୪ ଟି ମାଈ ଥିବା ବନ ବିଭାଗ ସୂଚନା ଦେଇଛି l