ପାର୍କିଂ ବିବାଦକୁ ନେଇ ହୁମା କୁରେଶୀଙ୍କ ଭାଇଙ୍କୁ ହତ୍ୟା
ନନ୍ଦିଘୋଷ ବ୍ୟୁରୋ : ଦିଲ୍ଲୀର ନିଜାମୁଦ୍ଦିନରେ ବଲିଉଡ ଫିଲ୍ମ ଅଭିନେତ୍ରୀ ହୁମା କୁରେଶୀଙ୍କ ଭାଇଙ୍କୁ ହତ୍ୟା କରାଯାଇଥିଲା। ଘର ପାଖରେ ପାର୍କିଂକୁ ନେଇ ଆରମ୍ଭ ହୋଇଥିବା ବିବାଦ ଏତେ ବଢ଼ି ଯାଇଥିଲା ଯେ ଆସିଫ୍ କୁରେଶୀଙ୍କୁ ହତ୍ୟା କରାଯାଇଥିଲା । ଏହି ଘଟଣାରେ ପୋଲିସ ଦୁଇ ଅଭିଯୁକ୍ତଙ୍କୁ ଗିରଫ କରିଛି ଏବଂ ହତ୍ୟାରେ ବ୍ୟବହୃତ ଅସ୍ତ୍ର ଜବତ କରିଛି।
ଗୁରୁବାର ରାତି ପ୍ରାୟ ୧୧ଟା ସମୟରେ ଆସିଫ କୁରେଶୀ ଦୁଇ ବ୍ୟକ୍ତିଙ୍କୁ ତାଙ୍କ ଘର ପ୍ରବେଶ ପଥ ଆଗରେ ସ୍କୁଟର ପାର୍କ ନ କରିବାକୁ ଅନୁରୋଧ କରିଥିଲେ। ଏହାକୁ ନେଇ ପ୍ରଥମେ ବାକଯୁଦ୍ଧ ହୋଇଥିଲା, ଯାହା ପରେ ହିଂସାତ୍ମକ ରୂପ ନେଇଥିଲା।
ଘଟଣା ସମ୍ପର୍କରେ ହୁମା କୁରେଶୀଙ୍କ ପିତା ସଲିମ କୁରେଶୀ କହିଛନ୍ତି, “ଦୁଇ ବ୍ୟକ୍ତି ଆମ ଘର ଆଗରେ ସ୍କୁଟର ପାର୍କ କରିଥିଲେ। ଆସିଫ ସେମାନଙ୍କୁ ଏହାକୁ ଅନ୍ୟତ୍ର ପାର୍କ କରିବାକୁ କହିଥିଲେ, ଯାହା ଦ୍ୱାରା ଘରର ପ୍ରବେଶ ପଥ ଅବରୋଧ ନ ହୁଏ। ଏହା ବାକଯୁଦ୍ଧରେ ପରିଣତ ହେଲା ଏବଂ ପରେ ଶାରୀରିକ ହିଂସାରେ ବଦଳିଗଲା। ସେ ଦୁଇ ଅଭିଯୁକ୍ତ ମିଳିତ ଭାବେ ମୋ ପୁତୁରାକୁ ହତ୍ୟା କଲେ।”
୪୨ ବର୍ଷୀୟ ଆସିଫ କୁରେଶୀ ଏକ କୁକୁଡ଼ା ବ୍ୟବସାୟ ଚଳାଉଥିଲେ। ତାଙ୍କର ଦୁଇ ପତ୍ନୀ ରହିଛନ୍ତି। ପୋଲିସ ଏହି ଘଟଣାର ତଦନ୍ତ ଜାରି ରଖିଛି ଏବଂ ଅଭିଯୁକ୍ତଙ୍କ ବିରୁଦ୍ଧରେ କଡ଼ା କାର୍ଯ୍ୟାନୁଷ୍ଠାନ ନିଆଯିବ ବୋଲି ପୋଲିସ କହିଛି । ଏହି ଘଟଣାକୁ ସ୍ଥାନୀୟ ଅଞ୍ଚଳରେ ଭୟର ବାତାବରଣ ଖେଳିଯାଇଛି ।
