ଢେଙ୍କାନାଳ: ପୁଣି ଡ଼ରାଇଲାଣି କରୋନା । ଏକା ସାଙ୍ଗରେ 33 ଛାତ୍ର ଛାତ୍ରୀ କରନା ସଂକ୍ରମିତ। ଢେଙ୍କାନାଳ କୁଞ୍ଜକାନ୍ତ ସ୍ଥିତ 2 ନମ୍ବର ୱାର୍ଡ ରେ ଥିବା ସାଇ କୃପା ଆବାସିକ କଲେଜରେ ବୁଧବାର ଗୋଟିଏ ଦିନରେ ୩୩ ଜଣ କରନା ସଂକ୍ରମିତ ଛାତ୍ରଛାତ୍ରୀ ଚିହ୍ନଟ ହୋଇଛନ୍ତି। ସୂଚନା ଅନୁଯାୟୀ ଗତ 2 ଦିନତଳେ 4 ଛାତ୍ର ଛାତ୍ରୀ କରନା ସଂକ୍ରମିତ ହୋଇଥିଲେ। ପରେ ସେମାନଙ୍କୁ ଘରକୁ ପଠାଇ ଦିଆଯାଇଥିଲା । ତେବେ ଆଜି ପୁନର୍ବାର କିଛି ଛାତ୍ର ଛାତ୍ରୀ ଅସୁସ୍ତ ହୋଇଥିବାରୁ କଲେଜ ରେ ଥିବା 270 ଜଣଙ୍କର ଏକା ସାଙ୍ଗରେ କରନା ପରୀକ୍ଷା କରାଯାଇଥିଲା ।
ଯେଉଁଥିରେ ପ୍ରଥମ ପ୍ରଯ୍ୟାୟ ରେ 90 ଜଣ ଙ୍କ ର ରିପୋର୍ଟ ଆସିଛି।ଯେଉଁଥିରେ 33 ଜଣ ଛାତ୍ର ଛାତ୍ରୀ ପଜେଟିଭ ଥିବା ଜଣାପଡିଛି।ଆହୁରି 180 ଜଣଙ୍କର ରିପୋର୍ଟ ଆସିବା ପରେ ହେବ କେତେଜଣ ସର୍ବମୋଟ କରନା ଆକ୍ରାନ୍ତ ହୋଇଛନ୍ତି।ତେବେ ଘଟଣା ପରେ ଆସନ୍ତା କାଲି ଉକ୍ତ କଲେଜ କୁ ସିଲ କରାଯିବା ସହ ଉକ୍ତ ସ୍ଥାନକୁ 10 ତାରିଖ ପର୍ଯ୍ୟନ୍ତ କଣ୍ଟେନମେଣ୍ଟ ଜୋନ ଘୋଷଣା କରିଛି ଜିଲ୍ଲା ପ୍ରଶାସନ । ତେବେ କିଛିଦିନ ହେବ ଢେଙ୍କାନାଳ ଜିଲ୍ଲା କରନା ମୁକ୍ତ ଥିବାବେଳେ ଏକାବେଳେ ୩୩ ସଂକ୍ରମିତ ହେବା ସହରରେ ପୁଣି ଭୟର ବାତାବରଣ ଖେଳିଯାଇଛି।
