ଡେରାଡୁନ୍: ଉତ୍ତରାଖଣ୍ଡର ଆଲମୋରା ଜିଲ୍ଲାରେ ଜଣେ ଡାକ୍ତରଙ୍କ ମୃତ୍ୟୁ ଖବର ସମସ୍ତଙ୍କୁ ଚକିତ ଏବଂ ବିବ୍ରତ କରିଛି। ଡାକ୍ତର ଜଣଙ୍କ ବାହା ମଣ୍ଡପରେ ସାତ ଫେରା ନେବାବେଳେ ହାର୍ଟ ଆଟାକର ଶିକାର ହୋଇଛନ୍ତି ।
ବିବାହ ମଣ୍ଡପରେ ଡାକ୍ତରଙ୍କ ଛାତିରେ ଯନ୍ତ୍ରଣା ଆରମ୍ଭ ହୋଇଥିଲା, ତାଙ୍କ ମୁଣ୍ଡ ବୁଲାଇବା କାରଣରୁ ସେ ତଳେ ପଡ଼ିଯାଇଥିଲେ। ପରିବାର ସଦସ୍ୟ ଯଥାଶୀଘ୍ର ତାଙ୍କୁ ଘରୋଇ ଡାକ୍ତରଖାନାକୁ ନେଇଥିଲେ, କିନ୍ତୁ ଡାକ୍ତରମାନେ ସେଠାରେ ତାଙ୍କୁ ମୃତ ଘୋଷଣା କରିଛନ୍ତି।
ଡାକ୍ତର ସମୀର ଉପାଧ୍ୟାୟ ଜଣେ ଦନ୍ତ ଚିକିତ୍ସକ ଥିଲେ। ବିବାହ ପ୍ରୋସେସନ ଯିବା ବେଳେ ତାଙ୍କ ସ୍ବାସ୍ଥ୍ୟ ସମ୍ପୂର୍ଣ୍ଣ ଭଲ ଥିଲା। କିନ୍ତୁ, ହଠାତ୍ ସେ ଛାତିରେ ଯନ୍ତ୍ରଣା ଆରମ୍ଭ କରିଥିଲେ । ଡାକ୍ତର ବରଙ୍କ ମୃତ୍ୟୁରେ ସମସ୍ତେ ଆଶ୍ଚର୍ଯ୍ୟ ହୋଇଯାଇଛନ୍ତି। ଡାକ୍ତରଙ୍କୁ ୩୦ ବର୍ଷ ବୟସ ହୋଇଥିଲା ।
ଡାକ୍ତରଙ୍କ ଦୁଇ ଭଉଣୀ ଅଛନ୍ତି। ବଡ଼ ଭଉଣୀ ବିବାହିତ । ସାନ ଭଉଣୀ ମଧ୍ୟ ଜଣେ ଡାକ୍ତର ଥିବାବେଳେ ତାଙ୍କ ପିତା କିଛି ଦିନ ପୂର୍ବରୁ ଓମାନରୁ ଫେରିଛନ୍ତି।
ଡାକ୍ତର ପୁଅର ଏମିତି ଅକସ୍ମାତ ମୃତ୍ୟୁକୁ ସହଜରେ ଗ୍ରହଣ କରିପାରୁନାହାନ୍ତି ପରିବାରଲୋକେ । ସମସ୍ତେ ଭାଙ୍ଗି ପଡ଼ିଥିଲାବେଳେ ଅଞ୍ଚଳରେ ଶୋକର ଛାୟା ଖେଳି ଯାଇଛି ।
