ଖେଳ ଦେଖିବା ଖୁସି ପାଲଟିଗଲା କାଳ, ବଜ୍ରପାତରେ ଚାଲିଗଲା ୩ ଯୁବକଙ୍କ ଜୀବନ

ରାଉରକେଲା: ଖେଳ ଦେଖିବା ଖୁସି ପାଲଟିଗଲା କାଳ । ବଜ୍ରପାତରେ ଚାଲିଗଲା ୩ ଯୁବକଙ୍କ ଜୀବନ । ରାଉରକେଲା ବ୍ରାହ୍ମଣୀତରଙ୍ଗ ଥାନା ଵିରୱଲ ଗାଁରେ ଘଟିଛି ଅଘଟଣ । ଗାଁ ନିକଟସ୍ଥ ପଡିଆରେ ଫୁଟବଲ ମ୍ୟାଚ ଚାଲିଥିବା ବେଳେ ସାଙ୍ଗମାନଙ୍କ ସହ ତିନି ଯୁବକ ଖେଳ ଦେଖୁଥିଲେ । ବର୍ଷା ହେବାରୁ ଏକ ଗଛ ମୂଳକୁ ଚାଲଯାଇଥିଲେ ତିନି ଯୁବକ । ଏହି ସମୟରେ ବଜ୍ରପାତ ଯୋଗୁ ଦୁଇ ଜଣଙ୍କ ମୃତ୍ୟୁ ହୋଇଥିବା ସୂଚନା ରହିଛି । ମୃତକ ତିନି ଜଣଙ୍କ ମଧ୍ୟରୁ ଦୁଇ ଜଣଙ୍କ ପରିଚୟ ଜଣା ପଡିଛି ।

ଜଣେ ମୃତକ ଲାଠିକଟା କର୍ଲାଖମନ ଗ୍ରାମର ୧୭ ଵର୍ଷୀୟ ଵିଶାଲ ବିଲୁଙ୍ଗ ଵୋଲି ଚିହ୍ନଟ କରାଯାଇଛି। ଅନ୍ୟଜଣେ ଵଣେଇ ନାଲଘାଟି ଗ୍ରାମର ୧୬ ଵର୍ଷୀୟ ସୁନିତ ଓରାମ ବୋଲି ଚିହ୍ନଟ କରାଯାଇଛି । ଅନ୍ୟ ଜଣେ ମୃତକଙ୍କ ପରିଚୟ ଅସ୍ପଷ୍ଟ ରହିଛି। ସମସ୍ତଙ୍କୁ ରାଉରକେଲା ହସ୍ପିଟାଲ ନିଆଯାଇଥିବା ବେଳେ ମୃତ ଘୋଷଣା କରିଛନ୍ତି ଡାକ୍ତର ।ତିନି ଜଣଙ୍କ ମୃତଦେହ ରାଉରକେଲା ସରକାରୀ ଡାକ୍ତରଖାନାର ମର୍ଗ ହାଉସରେ ରଖାଯାଇଛି।