ଭୁବନେଶ୍ୱର ଲିଙ୍ଗରାଜ ଷ୍ଟେସନ ପାଖରେ ସିଗ୍ନାଲ ନଥିବାରୁ ଟ୍ରାକରେ ଏକକାଳୀନ ୩ଟି ଟ୍ରେନ

ଭୁବନେଶ୍ୱର : ଗୋଟିଏ ଟ୍ରାକରେ ୩ଟି ଟ୍ରେନ। ଲିଙ୍ଗରାଜ ଷ୍ଟେସନ ରୋଡ଼ ଓ ପଲ୍ଲାସପଲି ଓଭର ବ୍ରିଜ ମଧ୍ୟରେ ଗୋଟିଏ ଟ୍ରାକରେ ତିନିଟି ଟ୍ରେନ୍ ରହିବା ଦେଖି ଭୟଭୀତ ହୋଇ ପଡିଥିଲେ ଲୋକେ। ସିଗ୍ନାଲ ନଥିବାରୁ ଟ୍ରାକରେ ଏକକାଳୀନ ୩ଟି ଟ୍ରେନ ଅଟକି ଯାଇଥିଲା। ଏହାକୁ ଦେଖି ବଡ଼ ଦୁର୍ଘଟଣା ହେବା ନେଇ ଆଶଙ୍କା କରିଥିଲେ ଲୋକେ।

ପଢନ୍ତୁ ଏହି ଖବର :  ଏମ୍ସ ଡାକ୍ତରଙ୍କ ଦେଶୀ ଯୋଗାଡ଼: ୭ ବର୍ଷ ଶିଶୁ ଫୁସଫୁସରୁ ଚୁମ୍ବକ ସାହାଯ୍ୟରେ ବାହାରିଲା ଛୁଞ୍ଚି

ତେବେ ରେଳ ଲାଇନ୍ କାମ ଚାଲିଥିବାରୁ ମଝି ଟ୍ରାକଟି ବନ୍ଦ କରାଯାଇଥିବା ସ୍ପଷ୍ଟ କରିଛନ୍ତି ରେଲୱେ ଲାଇନ କର୍ତ୍ତୃପକ୍ଷ। ଏଥିସହ ଏହାକୁ ନେଇ ଭୟଭୀତ ନହେବାକୁ ପରାମର୍ଶ ଦେଇଛନ୍ତି। କିଛି ସମୟ ମଧ୍ୟରେ ରେଳବାଇ ପକ୍ଷରୁ ଲାଇନ୍ କ୍ଲିୟର କରାଯାଇଥିଲା।