୩ ଆତଙ୍କବାଦୀଙ୍କ ମୁଣ୍ଡ ନେଲା ଭାରତୀୟ ସେନା
1 min read
ପୁଣି ଭାରତୀୟ ସେନା ଓ ଆତଙ୍କବାଦୀ ମୁହାମୁହିଁ । ସୀମାରେ ଗୁଳି ବର୍ଷା । ଜାମ୍ମୁ-କାଶ୍ମୀରର ଅନନ୍ତନାଗ ରୁନିପୋରା ଅଞ୍ଚଳରେ ଭାରତୀୟ ସେନା ଓ ଆତଙ୍କବାଦୀ ମୁହାଁମୁହିଁ ହୋଇଛନ୍ତି । ଏଥିରେ ଉଭୟ ପକ୍ଷରୁ ଗୁଳି ବର୍ଷା କରାଯାଇଛି । ଯବାନଙ୍କ ଗୁଳିର ୩ ଆତଙ୍କବାଦୀ ନିହତ ହୋଇଛନ୍ତି ।
ଆତଙ୍କବାଦୀ ଲୁଚି ରହିଥିବା ଖବର ପାଇ ଭାରତୀୟ ସେନା ଓ ସ୍ଥାନୀୟ ପୋଲିସ ମିଳିତ ଭାବେ ଚଢ଼ାଉ କରିଥିଲେ । ଚଢ଼ାଉ ବେଳେ ଆତଙ୍କବାଦୀ ପ୍ରଥମେ ସେନା ଉପରକୁ ଗୁଳି ଚାଳନା କରିଥିଲେ । ଏହାର ଜବାବରେ ସେନା ପକ୍ଷରୁ ଗୁଳି ଚାଳନା କରାଯାଇଥିଲା । ସେନା ଗୁଳିରେ ୩ ଜଣ ଆତଙ୍କବାଦୀଙ୍କ ମୁଣ୍ଡ ଗଡ଼ିଥିବା ଜଣାପଡ଼ିଛି । ତେବେ ଆତଙ୍କବାଦୀଙ୍କ ପରିଚୟ ଏବେ ସୁଦ୍ଧା ମିଳିପାରି ନାହିଁ । ସେନା ପକ୍ଷରୁ ଅପରେସନ୍ ଜାରି ରହିଛି ।
ଏହି ଅପରେସନ୍ରେ ୧୯ ରାଷ୍ଟ୍ରୀୟ ରାଇଫଲ୍ ଓ ସିଆରପିଏଫର ଯବାନ ମାନେ ସାମିଲ ଥିଲେ । ଏହି ମିଳିତ କମ୍ବିଂ ଅପରେସନ୍ ଫଳରେ ଆତଙ୍କୀଙ୍କୁ ମାରି ଗଡ଼ାଇଥିଳା ଭାରତୀୟ ସେନା । ଏବେବି ଅଞ୍ଚଳରେ ସର୍ଚ୍ଚ ଅପରେସନ ଜାରି ରହିଛି । ଏବେ ସୁଦ୍ଧା ଭାରତୀୟ ସେନାର ଗୁଳିରେ ପ୍ରାୟ ୧୧୬ ଜଣ ଆତଙ୍କୀଙ୍କ ଜୀବନ ଯାଇଛି । ଗୋଟିଏ ମାସ ମଧ୍ୟ କେବଳ ୩୮ ଆତଙ୍କୀଙ୍କ ମୁଣ୍ଡ ନେଇଛି ଭାରତୀୟ ସେନା ।
