ଜଳିଗଲା ଯବାନଙ୍କ ଜିପ୍, ୩ ଜୀବନ୍ତ ଦଗ୍ଧ, ୫ ଗୁରୁତର

ଜୟପୁର: ରାଜସ୍ଥାନରେ ଯବାନଙ୍କ ଜିପ୍ ଦୁର୍ଘଟଣାଗ୍ରସ୍ତ । ସୁରଟଗଡ ଇନ୍ଦିରା ଗାନ୍ଧୀ କେନାଲର ୩୩୦ ଆରଡି ନିକଟରେ ଦୁର୍ଘଟଣାଗସ୍ତ ହୋଇଛି ଆର୍ମି ଜିପ । ସୂଚନା ଅନୁଯାୟୀ ଦୁର୍ଘଟଣାପରେ ଜଳିଯାଇଛି ଜିପ୍ । ଫଳରେ ୩ ଯବାନ୍ ଜୀବନ୍ତ ଦଗ୍ଧ ହୋଇଥିବାବେଳେ 5 ଜଣ ଗୁରୁତର ହୋଇଛନ୍ତି।

ସୂଚନା ମୁତାବକ ବୁଧବାର ବିଳମ୍ବିତ ରାତିରେ ଆର୍ମି ଗାଡି ଦୁର୍ଘଟଣାଗ୍ରସ୍ତ ହୋଇ ନିଆଁ ଲାଗିଯାଇଥିଲା । ଏଥିରେ ୫ ଯବାନ ଗୁରୁତର ଆହତ ହୋଇଥିଲେ । ଘଟଣାସ୍ଥଳରେ 3ଯବାନ ଜୀବନ୍ତ ଦଗ୍ଧ ହୋଇଥିବାବେଳେ 5ଜଣ ଗୁରୁତର ଆହତ ହୋଇଛନ୍ତି । ଆହତଙ୍କୁ ସୁରଟଗଡର ମିଲିଟାରୀ ହସ୍ପିଟାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ଅଗ୍ନିଶମବାହିନୀ ପହଞ୍ଚି ନିଆଁକୁ ଆୟତ୍ତ କରିଛି ।