ଗରିବ ରୋଗୀଙ୍କ ସାହା ସ୍ମାର୍ଟ ହେଲଥ କାର୍ଡ

1 min read

ରାଉରକେଲା: ଗରିବ ରୋଗୀଙ୍କ ପାଇଁ ରାହା ପାଲଟିଛି BSKY ସ୍ମାର୍ଟ ହେଲଥ କାର୍ଡ । ଏହା ଜରିଆରେ ସୁନ୍ଦରଗଡ଼ ଜିଲ୍ଲାର ଅନେକ ଗରିବ ରୋଗୀ ଘରୋଇ ହସ୍ପିଟାଲରେ ମାଗଣାରେ ହୋଇ ପାରିଛନ୍ତି ଚିକିତ୍ସିତ । ହୃଦ ରୋଗରେ ଆକ୍ରାନ୍ତ ଦୁଇ ଗରିବ ରୋଗୀ ଘରୋଇ ହସ୍ପିଟାଲରେ ମାଗଣାରେ ଅପରେସନ ପରେ ସୁସ୍ଥ ହୋଇଛନ୍ତି । ସେହିଭଳି ଅନ୍ୟ ଜଣେ ରୋଗୀ ନିଜ ଅଚଳ ଗୋଡର ଅସ୍ତ୍ରୋପ୍ରଚାର କରି ଆରୋଗ୍ୟଲାଭ କରିଛନ୍ତି । ମୁଖ୍ୟମନ୍ତ୍ରୀଙ୍କ ଏହି ଜନହିତକର ଯୋଗନାକୁ ସବୁ ମହଲରେ ପ୍ରଶାଂସା କରାଯାଇଛି ।

କଷ୍ଟ ଲାଘବ କରୁଛି BSKY କାର୍ଡ । ଚିକିତ୍ସା ପାଇଁ ଗରିବ ରୋଗୀଙ୍କୁ ଖର୍ଚ୍ଚ କରିବାକୁ ପଡୁନି ଟଙ୍କା । ମାଗଣା ଚିକିତ୍ସା ପ୍ରଦାନ ପାଇଁ ମୁଖ୍ୟମନ୍ତ୍ରୀଙ୍କ ସ୍ବାସ୍ଥ୍ୟ ଯୋଜନାକୁ ଭୁରି ଭୁରି ପ୍ରଶଂସା । ଏବେ ପୁଣି ସ୍ମାର୍ଟ କାର୍ଡ ମାଧ୍ୟମରେ ସୁନ୍ଦରଗଡର ଦୁଇ ହୃଦରୋଗୀ ଆରୋଗ୍ୟ ଲାଭ କରିଛନ୍ତି । ରାଉରକେଲା ପୁରୁଣା ବସଷ୍ଟାଣ୍ଡରେ ପାନ ଦୋକାନ କରିଥିବା ୫୫ ବର୍ଷୀୟ ଶଙ୍କର ଵିରା ହୃଦ ରୋଗରେ ଆକ୍ରାନ୍ତ ହୋଇ ଜୟପ୍ରକାଶ ହସ୍ପିଟାଲରେ ଗତ ୧୭ ତାରିଖ ଚିକିତ୍ସା ପାଇଁ ଭର୍ତ୍ତି ହୋଇଥିଲେ । ବିଜୁ ସ୍ବାସ୍ଥ୍ୟକଲ୍ୟାଣ ଯୋଜନାର ସ୍ମାର୍ଟ କାର୍ଡ ଜରିଆରେ ତାଙ୍କର ମାଗଣାରେ ଅପରେସନ ଓ ଚିକିତ୍ସା ହୋଇଛି । ସେ ଏବେ ସୁସ୍ଥ ହୋଇ ନିଜ ଘରକୁ ଫେରିଛନ୍ତି । ସେହିଭଳି ବିଶ୍ରା ବ୍ଲକ ଜରେଇକେଲା ଗାଁର ଚାଷୀ ରୋହିତ କୁମାର ମାହାନ୍ତଙ୍କ ମୁହଁରେ BSKY ଫୁଟାଇଛି ହସ । ତାଙ୍କର ମଧ୍ୟ ଜୟ ପ୍ରକାଶ ହସ୍ପିଟାଲରେ ମାଗଣାରେ ହୃଦରୋଗ ଚିକିତ୍ସା ହୋଇଛି । ଘରୋଇ ହସ୍ପିଟାଲରେ ମାଗଣା ଚିକିତ୍ସା ପାଇଥିବାରୁ ଦୁହେଁ ମୁଖ୍ୟମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି ।

ରାଉରକେଲା ମଧୁସୂଦନପାଲ୍ଲୀ ବସ୍ତିରେ ଶ୍ରମିକ ଭାବେ କାର୍ଯ୍ୟ କରୁଥିବା ଜୟରାମ ଦାସ ମଧ୍ୟ BSKY କାର୍ଡ ଦ୍ବାରା ଉପକୃତ ହୋଇଛନ୍ତି । ତାଙ୍କ ବାମ ଗୋଡ ଅଚଳ ହୋଇଯିବାରୁ ଗତ ୧୯ ତାରିଖରେ ଜୟ ପ୍ରକାଶ ହସ୍ପିଟାଲରେ ଚିକିତ୍ସା ପାଇଁ ଭର୍ତ୍ତି ହୋଇଥିଲେ । ଘରୋଇ ହସ୍ପିଟାଲରେ ଚିକିତ୍ସା ପାଇଁ ଆବଶ୍ୟକ ଅର୍ଥକୁ ନେଇ ସେ ଚିନ୍ତିତ ଥିଲେ । ହେଲେ BSKY ସ୍ମାର୍ଟ କାର୍ଡ ତାଙ୍କ ଚିନ୍ତା ଦୂର କରି ମାଗଣା ଚିକିତ୍ସା ସେବା ଯୋଗାଇଛି । ସେ ମୁଖ୍ୟମନ୍ତ୍ରୀଙ୍କ ଏହି ଜନହିତକର ଯୋଜନାକୁ ପ୍ରଶାଂସା କରିଛନ୍ତି ।

ଏହି ତିନି ଜଣ ନୁହେଁ BSKY ସ୍ମାର୍ଟ କାର୍ଡ ପାଇଁ ସୁନ୍ଦରଗଡ଼ ଜିଲ୍ଲାର ୧୫ ଲକ୍ଷରୁ ଅଧିକ ହିତାଧିକାରୀଙ୍କ ମୁହଁରେ ହସ ଫୁଟିଛି ।

Opn Commnet Area

Leave a Reply

Your email address will not be published. Required fields are marked *