ମାଲକାନଗିରିରେ ଆତ୍ମସମର୍ପଣ କଲେ ତିନି ମାଓବାଦୀ

ମାଲକାନଗିରି: ମାଲକାନଗିରି ଏସପିଙ୍କ ନିକଟରେ ଆତ୍ମସମର୍ପଣ କରିଛନ୍ତି ତିନି ଜଣ ମାଓବାଦୀ । ସମସ୍ତେ ମାୱାଦୀ ଛତିଶଗଡ ଦକ୍ଷିଣ ବସ୍ତର ସଂଗଠନର ମିଲିସିଆ ମେମ୍ବର ବୋଲି ଜଣାପଡିଛି । ଛତିଶଗଡରେ ସୁରକ୍ଷାକର୍ମୀଙ୍କ ପକ୍ଷରୁ ଜୋରଦାର ଅପରେସନ ଚାଲିଥିବା ବେଳେ ଭୟଭୀତ ହୋଇ ଏମାନେ ମାଲକାନଗିରି ପୋଲିସ ପାଖରେ ଆତ୍ମସମର୍ପଣ କରିଛନ୍ତି ।

ଆତ୍ମସମର୍ପଣ କରିଥିବା ୩ ଜଣ ମିଲିସିଆ ମାଓବାଦୀ ହେଲେ ଦେବା ମାଡଭି, ଆଡମା ମାଡକାମି ଏବଂ ମୁକା ସୋଡି । ତିନି ଜଣଙ୍କ ଘର ଛତିଶଗଡ ସୁକୁମା ଜିଲ୍ଲାର ଚିନ୍ତାଗୁମ୍ଫା ଅଞ୍ଚଳରେ ବୋଲି ଜଣାପଡ଼ିଛି । ଆତ୍ମସମର୍ପଣ ପରେ ଏମାନଙ୍କୁ ଓଡିଶା ସରକାରଙ୍କ ନିୟମ ଅନୁଯାୟୀ ଥଇଥାନ କରାଯିବ ବୋଲି ମାଲକାନଗିରି ଏସପି ସୂଚନା ଦେଇଛନ୍ତି ।