ନଦୀରେ ବୁଡ଼ି ୩ନାବାଳକ ମୃତ, ଜଣେ ନିଖୋଜ

ରାଉରକେଲା: ରାଉରକେଲା ଝିରପାଣି ପମ୍ପ ହାଉସ ନିକଟରେ ଅଘଟଣ । ନଦୀରେ ଗାଧୋଇବା ହେଲା କାଳ । କୋଏଲ ନଦୀରେ ବୁଡ଼ିଗଲେ ୪ ସମ୍ପର୍କୀୟ ଭାଇ । ୩ ଜଣଙ୍କ ମୃତଦେହ ଉଦ୍ଧାର ହୋଇଥିବା ବେଳଏ ଅନ୍ୟ ଜଣଙ୍କ ମିଳୁନି ପତ୍ତା । ପୋଲିସ ଓ ଅଗ୍ନିଶମ ବାହିନୀଙ୍କ ଦ୍ବାରା ଉଦ୍ଧାର କାର୍ଯ୍ୟ ଜାରି ରହିଛି । ମୋଟର ଚାଳିତ ଡଙ୍ଗା ଏବଂ ବୁଡାଳିଙ୍କ ସହାୟତାରେ ନିଖୋଜ ନାବାଳକଙ୍କୁ ଖୋଜା ଚାଲିଛି ।

୪ ଜଣ ନାବାଳକ ଦୁଇଟି ପରିବାରର ସଦସ୍ୟ । ସୂଚନାନୁଯାୟୀ ଘରେ ଆଳୁ ଚୋପା ଛଡାଇଵା ପାଇଁ କହିବାରୁ ୪ ଜଣ କାହାକୁ ନଜଣାଇ ନଦୀ କୂଳକୁ ପଳାଇ ଆସିଥିଲେ । ନଦୀରେ ଗାଧୋଇବା ସମୟରେ ବୁଡି ଯାଇଥିଲେ । ମୃତକ ନାବାଳକ ହେଲେ ୧୧ ବର୍ଷୀୟ ରିଶିରାଜ ସାହୁ, ୧୩ ବର୍ଷୀୟ କୁନାଲ ସାହୁ ଓ କୌଶଳ ସାହୁ । ରୋନକ ସାହୁ ଏବେବି ନିଖୋଜ ଅଛନ୍ତି । ଝାଡଖଣ୍ଡ ରାଞ୍ଚି ଅଞ୍ଚଳରେ ମୃତକମାନଙ୍କ ଘର । ଏକ ଶୁଦ୍ଧିକ୍ରିୟାରେ ଯୋଗ ଦେବା ପାଇଁ ରାଉରକେଲା ସମ୍ପର୍କୀୟଙ୍କ ଘରକୁ ଆସିଥିଲେ । ଅଞ୍ଚଳରେ ଶୋକର ଛାୟା  ।